Berevaniya Sivîl a Sûrî, Rusyayê tohmetbar dike ku ew dosya mirovî bo biserxistina rijêma Esed bikar tîne, û pereyên dewletên bexşkar dike xizmeta nûavakirina saziyên rijêmê de.
Û Berevaniya Sivîl di daxwiyaniyekê de duh, Pêncşemê, got ku gihiştina alîkariyên mirovî bi awayekî rûmetdar û bê siyasetkirin, mafekî bingehîn e, û çênabe bibe cihê danûstandinên rolane di Encûmena Ewlekariyê ya Navdewletî de.
Û di daxwiyaniyê de hat gotin ku bi nêzîkbûna bidawîhatina dema erkdarkirina Netewên Yekbûyî bi gihandina alîkariyan di riya sînorê Sûriyê re, keysbaziya Rûsiya di dosya mirovî di rûniştinên Encumena Ewlekariyê de, daku wê dosyê bike xizmeta xwe û ya hevalbendê xwe rijêma Esed de, eşkeretir dibe.
Û daxwiyaniyê destnîşan kir ku bikaranîna Rusya ji vê dosyayê re, bi riya “girêdana berdewamiya alîkariyên mirovî bi hin bazarên siyasî re ye, ku armanc jê hewildana biserxistina rijêmê ye”.
û bal kişand ser ku “bikaranîna hêlên pevçûnê ji bo gihandina alîkariyan li bakur-rojavayê Sûriyê, yek ji wan awayên biserxistina rijêmê û dorpêçkirina Sûriyan e, û kampa Elrukban a dorpêçkirî mezintirîn nîşana wê yekê ye.”
Û Berevaniya Sivîl di daxwiyaniya xwe de dît ku “Eger civaka navdewletî bihêle ku alîkariyên mirovî têkevin bin bandora keybaziya rijêma Esed û Rusya de, tê wateya ku ew rewakirineke eşkere ye ji bo bikaranîna alîkariyan wek çekekî.”
Û daxwiyaniyê cext kir ku “divê erkê sereke yê Encûmena Ewlekariyê giringîdana bizavên çareseriya siyasî û parastina sivîlan be, ne ku bi derbaskirina alîkariyên mirovî di riya sînoran re mijûl bibe, nemaze di dema hebûna çarçoveyeke yasayî ya maf dide Netewên Yekbûyî ku alîkariyan bêyî Encûmena Ewlekariyê derbas bike.”
Ji aliyê xwe ve, Hevbendiya Niştimanî ya Sûrî tekez kir ku gereke derbasbûna alîkariyên mirovî di xalên sînorî re bi riya dirêjkirina biryarên Encûmena Ewlekariyê 2165 (2014) û 2449 (2018) û standina tedbîrên cidî û pêwîst ji bo rizgarkirina sivîlan re be,û nehêlin ku Rusya vê dosyayê bo pêkanîna berjewendiyên xwe û yên sembolên desthilata Şamê li ser hesabê kesên hewcedar bikar bîne.
Jêder: Ofîsa Ragihandinê ya Hevbendiya Niştimanî ya Sûrî
