Saziya Berevaniya Sivîl ya Sûrî, êrîşên ku hêzên rijêmê û Rûsiya bi bikaranîna topên Krasinpol yên bi lêzerê tên arastekirin belge kirine, û raporek derbarê bikaranîna vî cureyê topan û bandorên ku hiştine û rêbaza bikaranîna wan di armanckirina avahiyên giştî û di serî de nexweşxane û karmendên mirovahî û malên sivîlan derxist, û saziyê 63 êrîşên ku bi van çekên kujer pêk hatine belge kirin.
Û tevî ku rêjeya êrîşan bi vî cûreyê çekan li bakur rojavayê Sûriyê di dema ku rapor li ser diaxive de, ji êrîşa yekemîn ya 21 adara 2021 ta 31 kanûna pêşîn ji heman sale, 4% ji tevaya cûreyên çekan e, lê rêjeya kuştiyên bi wan çekan 20% ji kuştiyên sivîl ên bi tevaya çekên dî ye.
Û Saziyê di rapora xwe ya ku duh roja sêşemê derketiye de, diyar kir ku 70 kes hate kuştin û 102 kes birîndar bûn, û hejmarek mezin ji qurbaniyan zarok bûn, 29 zarok hatin kuştin û 33 birîndar bûn, her weha xwebexşkarên ji saziya Berevaniya Sivîl di du êrîşên ji hev cuda de hatin kuştin.
Û raporê eşkere kir ku êrîşan 43 xanî armanc kirin, û wan hêzan 11 êrîş biribûn ser zeviyên çandinê û kampên derbideran û xalên bijîşkî, û xerabtirîn êrîş li ser nexweşxaneya Eletarib ya rojavayê helebê bû, her weha xala Mer’eyan ya bijîşkî li başûrê Idlibê û navenda Berevaniya Sivîl û bajarokê Qeston li deşta Xabê armanc bûn.
Û raporê bal kişand ser ku Rûsiya ji destpêka dijminkariya li der Sûriyê di sala 2015an de, govdeyên sûriyan û malên wan kirin meydanên taqîkirin û rahênana hêzên xwe û pêşdebirina çekên xwe.
Û raporê eşkere kir ku Rûsiya bêhtir ji 320 cureyên çekan li Sûriyê ceribandin, û got ku Krasinpol topin Rûsî ne û nîv otomatîk in û di riya lêzerê re têne arastekirin, û hîn bi ser de teqîner in, û di salên heştê de ji sedsala bûrî hatibûn pêşxistin, û topên eyar 155mm û 157 mm ji wan têne çêkirin, daku di riya topxaneyên Hawtizir re bêne avêtin.
Û tîmê Saziyê di belgekirina xwe de xwe spartibû ser raporên Bersivdanê derbarê êrîşên ku di dema bersivadnê de belge kiribûn, ji destpêka bikaranîna wan topên ku bi riya lêzerê têne arastekirin de, di riya belgeyên xwebexşkaran yên bi wêne û vîdyo û bermayên cebilxaneyan, û daxwiyaniyên dîdevanan û xwebexşkarên “Kumspiyan” herweha lêkolînên ofîsan.
Jêder: Ofîsa Ragihandinê ya Hevbendiya Niştimanî ya Sûrî