Berpirsiyarekî Hevbendiya Niştimanî ya Hêzên Şoreşê û Rikberiya Sûriyê daxwaz ji Emerîka kir ko yasaya Sîzer ya derbarê parastina sivîlan û sizakirina berpirsiyarên rêjîma Esed û yên piştgiriyê dikin ya ko Encûmena cîgirên Emerîkî sala 2016ê biryar pê daye pesend bike.
Serokê desteya niştimanî Sûrî yê karûbarên girtî û windayan, Yasir Elferhan, tekezî li ser giringiya derçûna vê biryara Emerîkî kir, ji bo lêpirsînan digel berpirsiyarên rêjîmê derbarê tawankariyên derheqê miletê Sûrî kirne bikin, û wê û yên piştgiriya wê dikin siza bikin, her weha dixwaze ‘’komkujiyan derheqê miletê Sûrî rawestînin‘’ li gora ko di daxuyaniyê de hatiye.
Elferhan endamê desteya siyasî ya Hevbendiya Niştimanî, matmayîna xwe anî ziman der barê ko heta nuha ev biryar dereng maye, tev ko dem daye serokê Emerîkî tenê bo 90 rojan, bo pêşinyarkirina herêma dijfirînê li Sûriyê. Elferhan dipirse, gelo kî ye yê vîto datîne ser vê biryarê? û got: ‘’Nediyar e kî pirojeyê yasayê asteng dike, Rûsya nahêle biryarên navdewletî di hindirê Encûmenê de bicî bibin, lê kî ye ewê li Emerîka rê li ber digire?‘’
Biryara Encûmena cîgiran di 16 çêriya paşî de ya sala 2016ê de hatiye dan, komîta peywendiyên derve ya Encûmena Rûsipiyan di eylûla 2017ê de di destpêka çilê pêşî de pesend kiriye, û nuha koçka spî piştgiriya pirojeyê biryarê kiriye, lê heta nuha dengdan li ser nebûye.
Elferhan got ku Hevbendiya Niştimanî ‘’Daxwaz ji Waşintonê kir ko mijarê jidil bistîne, tako rêjîm û yên piştgiriyê dikin bêtir pêde neçin‘’, û bal kişand ser vê sistbûna Emerîkî ko ‘’ Bi seba wê bobelat hatine serê miletê Sûrî, her weha piştgiriya PYD dikin‘’.
Pirojeyê yasaya Sîzer tekez dike ko Beşar Elesed berpirsê kuştina 400hezar sivîlî û wêrankirina 50% ji jêrxana Sûrî ye, hem perîşankirina 14 milyon xelk , ko ev pîstirîn bobelata mirovî ye li cîhanê ji 60 salan de.
Her weha pirojeyê yasayê, navtêdana dîtina çareseriyeke danûstandinê li Sûriyê dike, û daxwazê ji serokê Emerîkî dike ko sizayine nû bidin li ser çi firakisyonên ko piştgiriya rêjîmê an danûstandinê digel wê û alavên ewlehiya wê dikin, ji wan jî Îran û Rûsya.
Di yasayê de hatiye ko civaka navdewletî bo parastina sivîlan ji êrîşên hêzên rêjîmê û yên hizbulah têk çû, ji ber wan milet bi bermîlên teqîner bombebaran kirine, û çekên kîmawî û çekê birçîkirinê li dijî sivîlan bikar anîne, her weha segmanên rêjîmê bi mebest jinên ducanî amanc dikirin, û bargehên bijîşkî û dibistan û herêmên niştecihan û bazar bi mebest bombebaran dikirin.
Sîzer naznavê efserê cudabûyî ye, yê ko 55hezar wêneyên 11hezar girtiyan sala 2014ê derxistiye derveyî zindanê, û ew wêne bo encûmena Rûsipiyên Emerîkî pêşdîtin bûne, û gelek tişt li ser hate nivîsandin.
Jêder: Ofêsa Ragehandinê ya Hevbendiya Niştimanî
