Serokê ENKSê Îbrahîm Biro tekez kir ku ENKSê di cihê xwe yê dirust de ye, di nav hêzên opozisyona Sûriyê de, ku cihê xwe di Hevbendî û desteya bilind ya danustandinê de heye, berovajî hin aliyên kurd yên din mîna (PYD) ku li tenişt Esed disekine.
Ev yek hat di hevdîtina serokê ENKSê Îbrahîm Biro û Siyamend Haco endamê desteya têkiliyên derve yê ENKSê roja çarşembê, digel balyozê Hevbendiya Niştimanî li Elmaniya Besam Ebdulah li nivîsîngeha balyozxaneyê li Berlînê.
Biro got ku rawestana hin aliyên kurdan li tenişt rêjîma Esed, berovajî ye û nagunce digel rewşa asayî ya gelê kurd , yê di kok û piransîpên xwe de bi dirêjahiya salan li dijî dîktatoriyê û faşîzmê diraweste.
Herdu aliyan rewşa meydanî û helwesta ENKSê li ser rojevê û aso û hêviyên pirosêsa siyasî di Sûriyê de, digel berdewamiya êrîşên Rûsiya li dijî sivîlan û tabûrên şoreşê gengeşe kirin, herwiha ku hêzên binavê “Hêzên Sûriya Demokratîk” mifayê diwergirin ji van êrîşan û li bakurê Helebê pêş dikevin.
Balyozê Hevbendiyê ji aliyê xwe ve helwesta xuya ya ENKSê ji kiryarên PYDê li Sûriyê bi bilindî nirxand û gelê kurd ji wan kiryaran bêsûc kir, û tekez kir ku ew rojekê nebûne û nabin nûnerê kurdan di civînên ser asta navdewletî de, belê wê bimînin tevlîheviyek neberhev ji bazarganên kirîzan, helwesteke wan ya neguhêr tune ye.
Di civînê de giringiya hevrêziya di navbera nivîsîngeha Hevbendiyê û nivîsîngeha desteya bilind ya danustandinan de ji aliyekî, û ji aliyek din di navbera nivîsîngeha ENKSê ya li Jinêvê hat tekez kirin, da bigehijin baştirîn encaman û rê bigirin li pêş aliyên neyar yên kar dikin ji bona xistina nakokiyan û cudakirinê di navbera hêzên opozisyona Sûriyê de li Jinêv.
Li dawiyê balyozê Hevbendiyê pîrozbahî da Îbrahîm Biro û ENKSê bi vekirina nivîsîngeha ENKSê li Jinêvê, û herwiha hêviya serkeftinê xwest bo şanda ENKSê di hevdîtinên gera xwe ya niha li Ewropayê.
Jêder: Hevbendî
