Desteya siyasî ya Hevbendiya Niştimanî ya Hêzên Şoreşê û Rikberiya Sûriyê, biryarek derxist bi zêdekirina rêjeya endamtiya Jinê di Hevbendiyê de ta bigihê bi kêmanî 15% , li gor vê rêjeyê wê hejmara jinan ji 5an bibe 20 Jinên Endam.
Di civîna Desteya Siyasî de, îro sêşembê, ya ji çarşema bûrî ve berdewam e, û wê bimîne heta civîna Desteya Giştî di 28 Nîsana nuha de, Razgirê Desteya Siyasî ya Hevbendiya Niştimanî Riyad Elhesen diyar kir ko zêdekirina rêjeya beşdarbûna Jinê di Hevbendiyê de, pêngaveke destpêkê ye da em wê rêjeyê bigihînin pîvanên Netewên Yekbûyî ji nûnerîtiya Jinê re, ew jî 30% ye di hundirê her dezgehekê de.
Elhesen destnîşan kir ko Desteya siyasî dixwaze nûnerîtiyeke dirist ji Jinên Sûrî re hebe, ji dêvila komîtên şêwirdariyê yên ko Şandyarê navdewletî Stîvan Dî Mistora ew bijartine, ew yên ko bi çi şêweyî nûnerîtiya Jina Sûrî ya ko di Şoreşê de beşdar bûye nakin.
Pîvanên bijartinê ji aliyê Desteya Siyasî li gora pîvanên giştî yên Şoreşê û beşdarbûna di çalakiyên wê de ye, û nûnerîtiya dirist ji civaka ku ew nûnertiya wê dike, her weha nûnerîtiya Parêzgehên Sûrî li ber çav bê girtin.
Pêşindeya bijartinê dê ji çalakvanên Şoreşger re be, yên rewşenbîr û akadîmî û afrêner yên di çalakiyên Jinan de û yên giştî û desteyên civaka sivîl û biwara siyasî û mafê Jinê û mirovan diyar bûne, hem jî Jin û dêyên şehîdan û girtiyên berê yên ko bi karê şoreşgerî pabend in yên ko dikarin di kar de berdewam bin.
Jêder: Hevbendî
