Sikirtêrê giştî yê Hevbendiya Niştimanî Ebdulîlah Fehid, behînameyek şand ji bergiriya sivîl ya bajarê Helebê re, li ser şehîdbûna pênc endamên bergiriya sivîl yên xwebexş û birîndarbûna xwebexşekî din û hejmarek ji sivîlan, û wêrankirina navendê bi tevayî, ya ku şeva bûrî ji aliyê firokên dagîrkariya Rûsiya û hêzên rêjîma Esed hat armanckirin.
Sikirtêrê giştî di birûska sersaxiyê de got: “Me bi xem û kovaneke mezin; nûçeya şehîdbûna pênc baştirîn xwebexşên di tîma bergiriya sivîl di bajarê Atarib de li gundewarê Helebê bihîst”, û Fehid got ku ” Miletê Sûriyê bi bilindî û qehremanî destanên rojane yên lehingên bergiriya sivîl dinerxînin, ji bona rizgarkirina wan û alîkarîkirina wan di jîn û jiyara wan de, dibin baredoxên şerê hovane yê rêjîma Esed de li ser gel û welat yê ji pênc salan ve pêk tîne”.
Herwiha Fehid bi navê Hevbendiya Niştimanî behî û sersaxî pêkêşî xêzan û kesukar û dostên şehîdan kir, ji xwedayê mezin daxwaza dilovaniyê ji giyanê wan re kir û wan bi behişta xwe şad bike û sebir û hedanê bide xizmûkesên wan, û sûrbûna li ser berdewamîkirina rêka wan diyar kir.
Fehid di dawiya behînameya xwe de ya ji bona bergiriya sivîl got: “Xebata me ji bona azadiyê berdewam e, û bi saya xwedê wê destê dadweriyê dirêj bibe bo dadgehkirina tawanbaran û herkesê destê wî di rijandina xwîna xelkê Sûriyê de heye “.
Jêder: Hevbendî
