Nesir Elherîrî sekertêrê giştî yê Hevbebendiya Niştimanî, Li ser pêngavên dawiyê yên Mosko derbarê doseya Sûriyê pê radibe, dît ku ew ne destpêşxerî ye û nagehêje pileya danûstandinan û ew bitenê mîna “axiftinek siyasî ye!”, û da xuyanîkirin ku ” rûniştin li ser mêza danûstandinê bê hebûna gerantiyên navdewletî û çarçoveyên babetî û daraştinên xuya, radestkirin û derbaskirina demê ye û yarîkirin bi xwîna bêguneha ye”, û got:” çûna Mosko di dema ku îro bi sedhezaran sivîl di girtîgehên rêjîma Esed de girtî ne, û heroj bi dehan bermîlên teqîner li ser xelkên bajarên serhildêr de dibarîne, tê bi wateya teqandina guleya dawiyê di serê Şoreşa Sûriyê de” û Elherîrî gotina xwe bi dawî anî û got:” Em naxwazin biçin Mosko bo daxwaza rawestandina kuştina sivîlan û danûstandinê li ser jiyana wan bikin, û em wan nakin pelên fişarê li ser şoreşvanan, ji ber ku jiyana sivîlan mafekî yasayî û mirovî ye, û şerm e ku jiyana wan bêxin di çarçovê rojeva pirosêsa danûstandinan de, û pêwîste hikûmeta Rûsiyê daxwazên wiha bêberamber pêşkêşî gelê Sûriyê bike wek bexşîşeka pakniyazî berî çûna me bo danûstandinên veguhestina siyasî li ser desthilatê di Sûriya de”. di heman mijarê de, pêr Mihemed Qedah cêgirê Serokê Hevbendiyê di daxuyaniyekê de got ” nabe Mosko bibe cihê lidarxistina kongirên diyalogê û cihê rûniştinên danûstandinan, nemaze ku Mosko her ji destpêka Şoreşê ve hevparekî serekî yê rêjîma Esed e di kuştina sûriyan de”, û tekez kir, ku ” pêwîst e ew welatê mêvandariya gotûbêjan bike, welatekî bêalî be û ne gunehkarê Xwîna Sûriyan be “.
Jêder: Hevbendî
