Desteya Danûstandinê ya Sûrî û Yekîneya Hevrêzkariya Piştgiriyê û Berevaniya Sivîl a Sûrî, çalakiyek taybet derbarê ronîkirina encamên erdheja wêranker yaku di şeşê vê heyvê de li Tirkiyê û Sûriyê çêbûye, û berçavkirina pêdiviyên nişteciyên li bakurê Sûriyê li dar xist.
Û di çalakiyê de Serokê Hevbendiya Niştimanî ya Sûrî Salim Elmislit, û Serokê Desteya Danûstandinê ya Sûrî Bedir Camûs, û Serokê Hikûmeta Sûrî ya Demkî Ebdilrihman Mustefa, û nûnerên dewletên bexşkar û saziyên navdewletî û xwecihî amade bûn.
Û Serokê Hevbendiya Niştimanî li ser ketwarê sûriyan li Tirkiya û Sûriyê û dijwariyên ku rastî wan tên berî çêbûna erdhejê jî bi sedema tawanên ku rijêma Esed pêkanîne, û dijwariyên piştî rûdana erdhejê, axivî.
Û Serokê Desteya Danûstandinê ya Sûrî Bedir Camûs şiroveyek li ser pêşhatên rewşa siyasî û fişarên li ser civaka navdewletî ji aliyê rijêma Esed ve di dosya alîkariyan de û hewldanên sextekirina rastiyan pêşkêş kir.
Û Serokê Hikûmeta Sûrî ya Demkî raporek li ser alîkariyên ku ji bo deverên rizgarkirî hatine dayîn pêşkêş kir, û di pey re Rêvebirê Cîbicîkar ê Yekîneya Hevrêzkariya Piştgiriyê Mihemed Heseno li ser serhejmariya ziyanên erdhejê axivî.
Û tîmên ku li ser erdê kar dikin, nemaze Berevaniya Sivîl ya Sûrî, serhejmarî û dîdevanî û rastiyên derbarê erdheja wêranker pêşkêş kirin, û Yekêneya Piştgiriya Aramiyê raporek li ser nirxandina pêdviyan pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
