Endamê desteya siyasî ya Hevbendiya Niştimanî Ya Hêzên Şoreş Û Rikberiya Sûriyê, Bedir Camûs, daxwaza şandina alîkariyên bilez ji bo bajarên dorpêçkirî kir, û bi taybetî Medaya û Dareya yên gundewarê Şamê û taxa We’ir li Himsê.
Û Camûs di daxuyaniyeke taybet de got ku alîkariya pir kêm bi deverên dorpêçkirî re û berdewamiya bombebarana rêjîma Esed û Rûsiya, derfetên gihandina çareseriya siyasî ji bo bidawîkirina derdeseriya gelê Sûriyê têk dibin.
Û hêjaye gotinê ku dawîtirîn karwanê alîkariyên mirovî derbasî Dareya bû, di heyva hezîrana bûrî de bû , û dawîtirîn alîkarî bo taxa We’ir di 18 tîrmeha bûrî de bû, û dawîtirîn alîkarî bi bajarokê Newa re ji hêla NY de di 30 tîrmeha 2016 de bû.
Û Pizîşkê nexweşxaneya meydanî li bajarê Medaya yê gundewarê Şamê, Mihemed Derwîş, banga hişyariya çêbûna “bobelateke mirovî” da, di encama qedexekirina derbasbûna alîkariyên mirovî ji berî 3 hevan ve, di heman dema dorpêçkirina milîsên Esed û Hizbullah de.
Û Camûs bal kişand ser ku hîn jî Rêjîm bicîkirina biryarên navdewletî red dike, û ew dît wek binpêkirineke beloq ji biryarên encumena ewlekariyê re, û daxwaza destnîşankirina kesên berpirs di ber derbas-nekirina alîkariyên mirovî de û sizakirina wan kir.
Û encumana xwecihî ya bajarê Dareya di daxuyaniyeke xwe de, daxwaz ji hemî aliyên navdewletî kir, ji bo bilez tevbigerin ji bo rawestandina karên çekdarî û hemî rengên bombebaranê, û her weha giringiya derbaskirina alîkariyên hawarçûnê û yên bizîşkî di leztirîn dem de, her weha daxwaza derbasbûna tîmeke vekolînan ya navdewletî kir ji bo rawestana li ser bikaranîna Rêjîmê ji Napalma Şewatkar re.
Jêder: Hevbendî+Smart
