Her ji beyaniya îro ve, hilîkopterên rêjîma Esed bajarê Dareya li gundewarê Şamê bi çekên corbicor bombebaran dikin, ku heta niha bi 4 bermîlên napalim û 22 bermîlên teqîner û 14 mûşekên zemîn zemîn hatiye bombebarankirin.
Duhî, ji aliyê hilîkopterên rêjîmê ve, take nexweşxaneya meydanî li bajêr bi sê bermîlên teqîner hat bombebarankirin û ziyanên mezin lê çêbûn.
Ku her ji duhî ve û heta niha hejmara bermîlên teqîner yên hatine avêtin gihiştine 36 bermîlan, ji wan 8 bi madeya napalim, û hemû li ser taxên nişteciyên bajêr ketin, tevlî bombebarankirina tîmên bergiriya sivîl ji aliyê hilîkopterên rêjîmê ve, di dema vedimirandina wan ji şewtên bi sedema napalimê çêbûbûn re.
Û rêxistina “Human Right Watch” ji aliyê xwe ve, rêjîma Esed û Rûsiya bi pinêkirina yasa navdewletî û bikaranîna bombeyên napalim li ser navçeyên sivîlan tometbar kirin, û rêxistinê di raportek nû de got ku nêzîkî 18 caran ev core ji bombeyan di heyanê neh heftiyên bûrî de hatine bikaranîn, di oparesyonên hevbeş ên Rûsiya û rêjîma Esed de.
Rêxistinê di raporta xwe de tekez kiriye ku rêjîmê bi berdewamî ev çekên qedexekirî bikar anîne, lê bikaranîna wan her ji destpêka destdirêjiya Rûsiya ji 30 êlûna 2015an ve zêdetir bûye.
Herwiha rêxistinê çar coreyên bikaranîna çekên şewtandinê di Sûriyê de dîkoment kiriye, û piraniya wan di êrîşên esmanî de hatine bikaranîn, û raport bi wêneyên van êrîşan hatiye belgekirin.
Ji aliyê xwe ve, rêveberê rêxistinê yê beşa çekan Stîv Gor, daxwaz ji rêjîma Esed û Rûsiya kir ji bona bilez êrîşên bi çekên şewtandinê li dijî navçeyên sivîlan rawestînin, û got ku: “ev çek dibin sedema derd û birînên dijwar”, daxwaza şermezarkirina bikaranîna wan ji hemû dewletan kir.
Jêder: Hevbendî + Elcizîre
