Lîreya Sûrî bi şêweyekî tirsank têk diçe, ko nirxê hûrdekirina dolar li bazarên xwecihî bêtir ji 750 lêre beraber yek dolarê Emerîkî ye, daketineke tund ko ji heşt salên cengê ve lîreya Sûrî wisa neçûye xwar.
Endamê desteya siyasî ya Hevbendiya Niştimanî ya Hêzên Şoreşê û Rikberiya Sûriyê, Bedir Camûs, got: Hevwelatiyê Sûrî eger bi bombeyên hêzên rêjîmê û firokên piştgirên wê nemire, ewê bi sedema rewşa abûrî ko li herêmên kontrola rêjîmê têk çûye bimire.
Endamê desteya siyasî dibîne ko rêjîm dahatiyên welat yên abûrî di cenga dijî milet de û têkbirina şoreşa wî de tune kirine. Evê rewş gihand asteke xirab, lê hevwelatî qelenê wê dide, ew qurbaniya buhabûnê û nebûna piçûktirîn fakterên jiyandinê ye, berevajî serê rêjîmê û fermanberiyên nêzîk wê, ko di rewşeke xweş de dijîn, û got ku çareserî li Sûriyê nîn e bêyî çareseriya siyasî ya veguhastina siyasî ya tekûz misoger dike, û welat ber bi dîmuqratiyeke dirist dibe, û dadwerî û wekheviyê li gora biryara 2254 misoger dike.
Hêjayî gotinê ye ko lîreya Sûrî têk çû, piştî ko kovara Ekomonist ya Birîtanî di raporteke xwe de gotiye : Paytexta Sûrî Şam pîstirîn bajar e bo jiyanê.
Jêder: Ofêsa Ragehandinê ya Hevbendiya Niştimanî
