Wek bersivekê li ser pêşinyara Dî Mîstora, Hevbendiya Niştimanî Sûrî daxuyaniyek derxist, tê de hat: ” Armanca çi tevgera navnetewî divê gerantiya mafê milletê Sûrî di destnîşankirina çarenûsa wî de û bijartina rejîma siyasî li gor rêbazin dimuqratî tê de hebe, û parastina yekîtiya Sûrî û retkirina her destwerdana biyanî, bi taybet destwerdana rejîma Îranî ya leşkerî, ewlekarî, û siaysî “.
Hevbendiyê dît ku ” Çi çareya siyasî ya hebe, divê li gor biryarên Encumena Ewlekariyê yên peywend be, ji wan biryarên 2118, 2165, 2170, û tiştê ku di bendên Cinêf1, û bendên taybet bi pêkanîna desteyek fermanrewayî û veguhêz bi desthilatdarîyek tekûz, û lêpirsîna berpirsyarên tawanên cengî, û yên dijî mirovahiyê ava bibe”.
Daxuyaniyê wisa berdewam kir:” Pêşinyarên ku şanderê navdewletî pêşkêş kirine li ser karên destpêkî ava dibin, yên ku heye rêxweşkirin be bo berdewamkirina operasyonek siyasî bo fermanrewayiyek veguhêz li Sûriya pêk bîne”. Daxuyaniyê dît ku nexşeya rê ya wan karan divê di navde: ” Avakirina deverek aram li Bakurî hêla panbûnê ya 35an û Başûrî hêla panbûnê ya 33an be, û li Herêma Qelemûn be, bi mercê ku tu hebûn ji rejîmê û milîşiyên wî re tune be. Herweha qedexekirina êrîşên azmanî bi hemû şêweyan, parastina sivîlên Sûrî ji sarûxên rejîma Esed û bermîlên teqîner, dûrkirina milîşiyatên tirorîst yên ku Esed ew anîne ser erda Sûrî, û sizakirina endamên wê li ser tawanên ku derheqê Sûryan de kirine. Herweha misogerkirina gihiştina alîkariyên hawarçûnê, nojdarî, û mirovahî yên ji deverên dorpêçkirî re gerek in, û mecbûrkirina rejîmê bi bikarneanîna sivîlan wek girawan beramberî deskeftiyên saiyasî, rizgarkirina girtiyan, û diyarkirina çarenûsa zindanên veşartî ku rejîmê ji bo jinavbiria dîlên li nik xwe girtî ava kirine“.
Daxuyaniyê tekez kir : ” sarkirina şer ya ku li hindek herêm hatiye pêşinyarkirin divê li ser bendên destpêşxeriya Cinêf û biryarên Encumena Ewlekariyê be, mîna biryara nemre 2165″.
Daxuyaniyê wisa bidawî kir: ” Hevbendiya Niştimanî wek nûnerê rewa ji milletê Sûrî re ye, bi erênî danûstendinê bi karên ku dixwazin alîkariya milletê me bikin û wan ji rejîma zordar biparêzin dike, tekez dike ku ew aliyê tekane ye bo şopandina hemû peywendî û pêrabûnên ji aliyên navnetewî de, ku nabe hevgirtinê jihev bixe û rijêmê û serê wê bide pêş, ku tê wateya zêdebûna tirsê ku Sûrî ber bi jihevketin û perçekirina ku ziyanê bigihîne aramiya deverê de bajo “.
Jêder: Hevbendî
