Cîgirê Serokê Hevbendiya Niştimanî ya Sûrî Ebdulmejîd Berekat, li baregeha Hevbendiya Niştimanî li bajarê Ezazê li gundewarê Helebê, li gel serokê desteya werziş û ciwanan Ehmed Elxetîb û hejmarek ji endamên destyê civiya.
Û amadebûyên di civînê de li ser çalakî û xebatên ku deste ji bo komkirina werzişvanên Sûrî û nûnertiya werzîşa Sûrî di pêşbirkên werzişî yên navneteweyî de pê radibe, gotûbêj kirin.
Û Serokê Rêveberiyê Ehmed Elxetîb, plana karê Desteyê di qonaxa dahatî de û çalakî û pêşbirkên ku xwe jêre amade dike da ku têde beşdar bibe berçav kir, û li ser dijwarî û astengiyên ku li pêşiya karê Desteyê dibin rêgir axivî, û komek ji çareseriyên ku hewcedarî alîkariyê ne bo bicîkirina wan pêşkêş kirin.
Û Cîgirê Serokê Desteyê Hesan Qase, li ser çalakiyên cihêreng ên ku deste ji bo pêşxistina şiyanên ciwanan li deverên rizgarkirî pê radibe, û bihêzkirin û pêşxistina behreyên wan da ku di civakên xwe de kartêker bin, her wiha pêkanîna pêwendiya li gel curbecur beşên ciwanan di civakê de ji ber ku ew pêşeroja welêt in, axivî.
Û Cîgirê Serokê Hevbendiya Niştimanî Ebdulmejîd Berekat, xebatên ku têne kirin ji bo pêkanîna armancên desteyê bi rêya pêşdebirina karê werzîşa Sûrî, her wiha avakirina saziyên werzîşê yên berdêl ji saziyên Esed yên nerewa re, bilind nirxandin.
Jêder: Ofîsa Ragihandinê ya Hevbendiya Niştimanî ya Sûrî
