Giropa Lêkolîn û Şêwirên Stratîjîk ya Hevbendiya Niştimanî ya Sûrî, workşopek derbarê dijminkariya dagirkerê Israîlî li ser Gezayê, û sedem û encamên vê dijminkariyê li ser dosya Sûriyê û deverê li dar xist.
Û di workşopê de hejmarek ji navendên lêkolînan ên Sûrî, her weha hejmarek ji endamên Desteya Siyasî û Desteya Giştî ya Hevbendiyê amade bûn.
Û vekolînerên navendên lêkolînan nerînên xwe li ser rewşa cenga dijminkarî li ser Gezayê û bandora wê ya texmînkirî li gorî hejmarek ji nerînan, ji bo pîvana wan texmînan û gelo heye ew şer di sînorê Gezayê de bimîne an jî wê berve yek ji dewletên derdorê berfireh bibe, an jî wê bi awayekî bêsînor berve hejmarek ji dewletên deverê vegire, û bandora her yekê ji wan texmînan li ser deverê bi awayekî giştî û li ser Sûriyê bi awayekî taybet, pêşkêş kirin.
Û pêşniyarên ji hêla navendên lêkolînan ve hatine pêşkêşkirin, helwestên dewletên deverê ji tiştê çêdibe û bandora her helwestekê li rewşa texmînkirî şirove kirin.
Û Hevrêzkarê Ofîsa Lêkolîn û Şêwirên Stratîjîk Ebdellah Gedo, bal kişand ser wê yekê ku bûyerên niha li Gezayê çêdibin bandorên wan li ser Sûriyê û deverê hene, lewra pêwîstî hebû ku worşopek bê lidarxistin da ku nerîneke hevbeş li gel navendên lêkolînan bê danîn.
Û Endamê Giropê Ehmed Tu’imê, bêhtir behsa giringî û metirsiya bandorên van bûyeran li ser dosya Sûriyê kir, û tekez kir ku berî Gezayê ne mîna piştî Gezayê ye.
Û kesên amade gihan nerînekê ku divê navendên lêkolînan yên Sûrî lêkolîneke hûrbîn derbarê bandora tiştên ku li Gezayê çêdibin li ser dosyaya Sûrî bi taybetî pêk bînin, da ku di workşopeke dahatî de gengeşe bikin.
Û ev workşopa wek destpêka karê Giropa lêkolîn û Şêwirên Stratîjîk e, li gorî plana Hevbendiya Niştimanî ya berfirehkirina çarçoveya beşdariya sûriyan û sazî û kesayetan, da ku ji şiyan û karînên wan sûdê werbigre, ji bo avakirina siyasetên Hevbendiyê û bandora li ser biryarên wê di riya pêwendiya rêkûpêk û mîkanîzmên diyalogî û karê li ser bingeha pirensîpa hevpariya li gel curbecur sazî û pisporên Sûrî re.
Jêder: Ofîsa Ragihandinê ya Hevbendiya Niştimanî ya Sûrî
