Cîgirê Serokê Hevbendiya Niştimanî Ebdilhekîm Beşar rapora karê xwe li pêşiya Desteya Giştî ya Hevbendiya Niştimanî di civatên xola 69an yên ku li baregeha Hikûmeta Demkî li Gundewarê Helebê li dar ketin de pêşkêş kir.
Û Beşar li ser hevdîtina li gel Serokê Hikûmeta Herêma Kurdistana Iraqê Mesrûr Barzanî û hevdîtinên bi rayedarên herêmê re ji bo baştirkirina rewşa penaberên Sûrî û alîkirina wan di çareserkirina kêşeyên wan de axivî û diyar kir ku Serokê Hikûmeta Herêma Kurdistanê derbarê vê mijarê temînî li hemû aliyên fermî kir ku pêwîst e bersiva daxwazên penaberên Sûrî bidin û kar ji bo dîtina çareseriyên bilez ji wan re bikin.
Û Beşar got ku wî bi rayedaran re dozên penaberên Sûrî li Îraqê yên girêdayî tenduristî û perwerdeyê, her wiha pêdiviyên jiyanê yên sereke wek xwarin, av, germkirin û xaniyên bicîbûnê gengeşe kirin.
Û Beşar tekez kir ku bersivdana berpirsên Herêmê di asta herî bilind de bû, û ji bo çareserkirina pirsgirêkên zarokên penaberên Sûrî û pêşwazîkirina wan li dibistanan, her wiha giringîdana bi ketwarê tendirustî li kampan û dabînkirina mijarên yasayî da ku destûra kar di hemî kartan de bidin wan biryarek giştî hat derxistin.
Û Beşar tekez kir ku hebûna Encûmena Niştimanî ya Kurd di Hevbendiya Niştimanî ya Sûrî de, bijardeyeke stratîjîk e, ne bijardeyeke demkî û taktîkî ye, ji ber ku kurdên Sûrî beşekî sereke û ji gelê Sûriyê ne û pirsgirêka kurdî bi çi awayî ji pirsgirêka Sûriyê cuda nabe.
Jêder: Ofîsa Ragihandinê ya Hevbendiya Niştimanî ya Sûrî
