Serokê Hevbendiya Niştimanî ya Hêzên Şoreşê û Rikberiya Sûriyê Uqab Yihya tekez kir ko Rûsya hewil dide ko bi operasiyonên leşkerî bi hêzên xwe biser bikeve, piştî ko rêjîma Esed ev çend heyv in di pêkanîna amancên xwe de têkçû.
Yihya di daxuyaniyên taybet de îro bal kêşand ser ko Mosko dixwaze bilez pevçûnên li bakurê Sûriyê yekalî bike, berî vegera li pirosesa siyasî ya ko şandyarê navdewletî Cîr Bîdirson dê piştî çend rojên din berdewakirina wan ragehîne.
Û got ku Rûsya dîsa hewil dide rewşekê li ser xakê feriz bike, û civaka navdewletî neçarî pêkanîna daxwazên xwe bike, bi riya ferizkirina fişarine nû, û destnîşan kir ko ew hewildan bo kontrolkirina herêmine nû li bakurê Sûriyê ne, û xistina wan di bin destê rijêmê de.
Yihya got ku Mosko jî wek rêjîmê ye, bijardeyek tenê li bal wê heye, ew jî kuştin û wêrankirin û pêkanîna bêtir tawanan derheqê sivîlan û bargehên sivîl û navendên berevaniya sivîl û bargehên bijîşkî ye, û wê hiştiye ko jiyan li niştecihan teng bibe û ji neçarî koçberbûnê bibin.
Serokê hevbendiya niştimanî diyar kir redkirina Mosko ko hêzên wê yên bejî beşdarî şer dibin, tev ko ew hêz di vîdyoyan de diyar dibin ko beşdar bûne, ev diyar dike ko baweriya wê bi serkeftinê ne tekez e, û hizir dike ko heye hêzên wê li pêşberî artêşa azad bişikên.
Ji destpêka operasiyona leşkerî Esed û Rûsya li pêşiya artêşa azad nikarîbûn bi pêş ve bên, û ev berevajî texmînên Rûsî bûn.
Acansa Royterz li ser zarê neqîb Nacî Mistefa berdevkê Aniya Niştimanî ya Rizgarkirinê got ‘’ Rûsya ne tenê biser neket lê ew têk jî çû ‘’. Her weha serpereştê Ceyş Elize, Cemîl Elsalih, got ku rêjîma Esed xwe di tengaviyê de dît, ji ber wê alîkarî ji hêzên Rûsî xwest.
Jêder: Ofêsa Ragehandinê ya Hevbendiya Niştimanî