Hevbendiya Niştimanî Sûrî pirsiyariya kuştarên berdewam ku rejîma Esed bi xwîneke sar li Helebê û hemû bajaran pêk tîne avêt ser millê Civaka Navdewletî. Berdevkê Fermî Salim El – Mislit tekez kir ku :” Berdewamiya tawankariya rejîma Esed, li ser Civaka Navdewletî ferz dike ku parastina sivîlan bi hemû awayan bike, di riya ferzkirina deverek aram, kişandina hemû coreyên danpêdana yasayî bi rejîma Esed, herweha serastkirina istiratîjiya Hevpeymaniya Navdewletî li ser asta hejmara armancên dane ber çavê xwe, û hevrêziya bi hêzên aktîv li ser erdê re, herweha pêwistiya danîna navê Esed di serê lîsteya armancên xwe de, ji ber ew çavdêr, rêvebir, û jêdera sereke ya tirorê ye”.
firokeyên rejîmê bi bikaranîna bermîlên teqîner kuştarek li gundê Qesr El – Birêj îroj nîvro pêk anîn, di encamê de 18 şehîd ketin hindek ji wan zarok û jin in, û 53 birîndar jî hebûn, ev yek piştî kuştara ku duh taxa El – Mexayîr li hindirê Helebê di riya sarûxek erd- erd re ku 26 kes şehîd ketin pêk hat.
Hevbendiyê sersaxî ji xelkên şehîdan re xwest, û hêviya rehetbûnê ji birîndaran re kir, herweha berxwedêriya xelkên Helebê silav kir, û destxweşî da wan, û dibîr de tîne ku hêza wan û hêza şoreşgeran li Sûriyayê car bi car tekez dike ku milletê Sûrî ji ser mafê xwe di azadî, dadwerî, û rûmetê de nayê xwar, lê belê wê xelkên Sûrî baweriya wan bêtir bi armancên wan were, hêzê ji kesên ku fedakarî bo berdewamiya riya şoreşê kirin ta pêkanîna serkeftinê digrin .
Jêder: Hevbendî