Li Gundewarê Hemayê li bajarê Siqêlbiyê serperiştê Hêzên Berevaniya Niştimanî Nayil Elebdullah xuleke rahênana zarokan li jêr navê “Korsa Şepalên Berevaniya Niştimanî ” vekir. Ew nûçe di malperên peywendiyên civakî li ser Facebookê yên ko bi ser Rêjîmê ve ne belav kirin.
Wêneyan bi dehan zarokên ko rahênana leşkerî bi çavdêriya Rahênankarên jêhatî distînin diyar kirin.
Berdevkê fermî yê Hevbendiya Niştimanî Salim Elmislit berpirsiyarî da ser milê Civaka Navdewletî derbarê her rojekê ji dirêjbûna temenê Rêjîmê, û tekezî li ser pirotistokirina leşkerkirina zarokan di operasiyonên leşkerî de kir, û berpirsiyariya saxlemiya wan da ser mile rijêmê .
Raportên ko ji netewên yekbûyî û Rêkxistinên mafê mirovan derketine, rewşa aloz û dijwar ya zarokên Sûriyê li hindirê Sûriyê û li Kampan û dewletên penaberiyê destnîşan kiriye. Her wiha zarok belengaz û derbider in, ev yek jî dihêle bêtir keys li wan bê anîn û rêjeya bêxwendinî û leşkerkirin û karkerên zarok pir bibe.
Elmislit bal kêşand ser ko ev nîşaneke din e ji tiştê “Hevbendiyê hişyarî li ser daye derbarê serxweveçûna Esed di tawankariyên xwe de di salên bûhurî de di derheqê miletê Sûrî de. Û encamên wan tawankariyan roj biroj diyar dibin li ser nifşê dahatî û bi taybetî li ser zarokan, çi yên ku bermîl bi ser wan de hatine avêtin an yên ku tên leşkerkirin.”
Yonisêf û saziya “Save The Children” di rapoerteke xwe ya di evê Temûzê derkeytiye de tekez kirin ko 4 zarok ji pêncan li Sûriyê derdê belengaziyê dikêşînin. Her wiha 2.7 Milyon zarok ji derveyî Dibistanan e û bêtir ji evê hejmarê jî zarokên bêçare kar dikin.
Her wiha raportê aşkere kir ko 75% ji zarokên ko li kampa Elzeterî ya Bakurê Urdinê arîşeyên wan yên tenduristî hene.
Hem jî 22% ji zarokên ko di karta çandiniyê de kar dikin di kar de derbdayî bûne. Ji aliyekî dî ve raportê li ser hewildanên leşkerkirina zarokan tekez kir. Di evê mijarê de Netewên Yekbûyî 278 kes ji zarokên 8 salî sala 2014 belgeh û tekez kirin. Hişyarî jî da ko zarokên Sûriyê nirxekî buha datînin, piştî ko cîhan li himber rawestandina şerê Esed dijî miletê Sûriyê bêçare ma.
Elmislit doz li Civaka Navdewletî kir ko bi roleke kartêker rabe ji bo parastina zarokên Sûriyê. Elmislit bibîr anî ko “pirîska Şoreşa Sûriyê ji bo berevaniya zarokên Dera vêket , û şerê Esed li ser miletê Sûriyê heta nuha jiyana bêtir ji 17hezar zarok têk biriye. ”
Jêder: Hevbendî
