Serokatiya Hevbendiya Niştimanî ya Sûrî civîneke “online” li gel serokatiya Encûmena Niştimanî ya Kurd roja Îna bûrî li dar xist, bi amadebûna Serokê Hevbendiyê Hadî Elbehra û her du Cîgirên wî Ebdulmecîd Berekat û D. Ebdilhekîm Beşar, û Serokê Encûmena Niştimanî ya Kurd Ni’met Daûd û endamên Encûmena Niştimanî ya Kurd Mihemed Îsmaîl, Feysel Yûsuf, Silêman Oso û Fesla Yûsuf.
Û herdu aliyan tekezî li ser pêwîstiya lidarxistina civînên rolane di navbera serkirdayetiyên Encuman û Hevbendiyê de ji bo hevrêzkirina siyasetan kirin, her wiha danîna planên karê hevbeş ji bo cîbicîkirina destkeftên siyasî û rêyên xurtkirina rêvebirinê li deverên bakurê Sûriyê di nav de piştgirî û bihêzkirina Hikûmeta Sûrî ya Demkî ya ser bi Hevbendiyê ve û Wezaretên wê, ji bo temamkirina pêngavên wê yên bi armanca temamkirina pirojeya Artêşa Niştimanî ya ser bi Wezareta Berevaniyê ve, ew artêşa li ser hêlên agirbestê cî digire ji bo rûbirûbûna her êrîşeke leşkerî an terorîstî û parastina navendên giştî û sivîlan û piştgirîya hêzên polîsên leşkerî û mukumkirina wan ji bo kontrolkirina ewlekariyê û cîbicîkirina yasayê û peyketina tawankar û binpkerên mafan û girtina wan kesan wek destpêka radestkirina wan ji dadgehan re û sizadana wan, û amadebûyan tekezî li ser giringiya rola dezgeha dadweriyê û pêwîstiya serbixwebûn û destpakiya wê kirin, ji ber ku ew pêngava herî girîng e ji bo bicîkirina ewlehî û aramiya domdar.
Û Serokê Hevbendiya Niştimanî Hadî Elbehra, tekezî li ser giringiya beşdariya Encûmen bi awayekî kartêker di danîna pilanên karê Hevbendiyê de li gel pêkhateyên din kir, û giranî da ser pêwîstî û giringiya ku Encûmena Niştimanî ya Kurdî bi hemû pêkhateyên xwe ve tevlî karê siyasî û çalakiyên Hevbendiyê bi Sûriyan re li hemû deverên welat û li derveyî Sûriyê li nav penaber û revendên Sûrî bibin, û Serokê Encûmena Niştimanî ya Kurdî Nemat Daûd tekezî li ser hewildanên Serkirdayetiya Encumen kir di bilindkirina asta beşdariyê de ji bo biserxistina karê Hevbendiyê û cîbicîkirina planên wê yên niştimanî, ji bo pêkanîna hêviyên ku gelê Sûriyê bi hemû pêkhateyên xwe ve serî ji bo wan hildane û qurbanî dane, û tekez kir ku ji ber kurdên Sûrî pêkhateyekî sereke yê gelê Sûriyê ne, beşdariyê li gel tevaya sûriyan ji destpêka şoreşa Sûriyê ve ji bo van daxwaz û armancan dikin.
Û herdû serkirdayetî yeknerîn bûn derbarê vegera bi dilê xwe û ewle û rûmetdar a derbider, penaber û koçberan bo deverên xwe ên resen wek mafekî wan ê bingehîn, tevî dibe ku ev veger nepêkan be ji bo deverên di bin kontrola rijêmê û piştgirên wê de, bêyî gihiştina rêkeftinekê di rêya pirosesa siyasî ya bi piştevaniya Netewên Yekbûyî li Cinêvê re, û cîbicîkirina biryara Encumena Ewlekariyê hejmar 2254(2015) bi awayekî tam û vebir û pabendîpêkirî, lê vegera bi dilxwazî û ewle û bi rûmet a derbider û penaberan bo cihên wan ên resen li deverên rizgarkirî gengaz e, eger pêşketinek di proseya pêşdebirina aborî de li wê derê pêk were, û sîstema rêvebirina wê mukum bibe, û dadmendî û ewlehî û aramî peyda bibe, û xizmetguzariyên bingehîn hebin, ji bo dabînkirina jiyana bi rûmet ji kesên vedigerin re, û herdu aliyan li hev kirin ku dê di civîna xwe ya bê de dest bi karê xwe bikin, ji bo ku planeke zelal a li gor rêbazin destnîşankirî ên bi garantî û mîkanîzmayên cîbicîkirinê û bernameyeke yekgirtî ji bo vegera bi dilxwazî ya derbider û penaberan bo cihên xwe yên resen ên li deverên rizgarkirî deynin.
Û herdu aliyan li hev kirin ku pêkanîna wan plan û pirograman li gorî kar û pabendbûna civaka navdewletî dimîne, ku nehêle derdeseriyên sûriyan yên ku bi rengekî berfireh berve bobelateke mirovahî diçin berdewam bike.
Û her du aliyan civaka navdewletî bi nûneratiya Encûmena Ewlekarî ya ser bi Netewên Yekbûyî ve û dewltên endam têde, berpirsyar dîtin di ber bobelata ku gelê me têde dijî û encamên zêdebûna pêdviyên mirovî û kêmkirina alîkariyan, ji ber ku rêjeya sûriyên ku di bin xêza hejariyê de dijîn niha dighêje 44%, û niştecihên di bin hêla hejariyê de dijîn dighêje 91%, li gorî dawîtirîn datayên Tîma Bersivdanê û saziyên Netewên Yekbûyî, û ev bobelata ku dest pê kiriye encameke xwezayî ye ji xemsariya Encûmena Ewlekariyê hember pirsa Sûriyê re, û nedanîna mîkanîzmayên pabendkirinê bo cîbicîkirina biryarên xwe yên di wê derbarê de, û amadebûyan li ser wê yekê li hev kirin ku takeçareseriya guncav ya berdewamiya vê bobelata mirovî dê bidawîkirina sedemên wê re be, bir riya cîbicîkirina biryarên Encumena Ewlekariyê yên taybet bi Sûriyê û di serî de biryara Encumena Ewlekariyê hejmar 2254 (2015).
Û her du aliyan hejmarek ji dozên rêxistinî yên taybet bi karê wan ê hevbeş di nava Hevbendiyê de û di hundir saziyên hêzên şoreş û rikberiyê de gotûbêj kirin, û li ser şopandina wan bi rêya dezgeh û serkirdayetiya wan saziyan li hev kirin.
Û her du aliyan piştgiriya xwe ya tam ji tevgera aştiyane ya Sûriyan li parêzgeha Siwêdayê ragihandin, ew xelkên ku ev çend heyv in li meydana Elkerama xwepêşandanan li dar dixin û pankartan bilind dikin, daxwaza pêkanîna hêviyên gelê Sûriyê di dadmendî, rûmet, azadî û demoqrasiyê de dikin, ew armancên ku ji bo wê gelê Sûriyê ji sala 2011an ve serî hildaye, û daxwaza veguhestina siyasî li gorî biryara jimar 2254 (2015) ji bo pêkanîna dewleta hevwelatîbûna wekhev li jêr serweriya yasayê û yekbûna axa Sûriyê û gelê wê dikin.
Jêder: Ofîsa Ragihandinê ya Hevbendiya Niştimanî ya Sûrî
