Ofîsa Sendîke û Yekîtiyan û Ofîsa Saziyên Civaka Sivîl ya Hevbendiya Niştimanî ya Sûrî, civînek li gel Saziya Rusil ya Xwedanên Pêdviyên Taybet lidar xist, û bi hev re giringiya hevkarî û hevrêziyê û pêwîstiya piştgiriya vî beşî ji civakê gengeşe kirin.
Û di civînê de Hevrêzkarê Ofîsa Sendîke û Yekîtiyan Ebdulmejîd Berekat û Hevrêzkarê Ofîsa Saziyên Civaka Sivîl D. Zuhêr Mihemed, û Endamê Hevbendiya Niştimanî, Kîfah Murad û Serokê Saziya Rusil ya Xwedanên Pêdviyên Taybet Miwefeq Haron amade bûn, û Emîndarê Giştî yê Komîteya Olompî ya Niştimanî ya Sûrî Ehmed Cemîl Elelî ji dûr ve di civînê de beşdar bû.
Û di civînê de Miwefeq Haron şiroveyek li ser çalakiyên saziyê pêşkêş kir, û diyar kir ku sazî bi rengekî sereke giringiyê dide kesên ji ber cengê seqet bûne, û got bêhtirên wan ji encama bombebarana bêserûber yaku rijêma Esed di operasyonên leşkerî li ser bajar û gund û bajarokan de pêk anîne seqet bûne.
Û Haron bal kişand ser ku çalakiyên saziyê Sûriyên li Turkiyê û yên li deverên rizgarkirî armanc dike, û diyar kir ku saziyê tîmekî werzişî ji xwidanên pêdviyên taybet a basketbola li ser kursiya livok li başûrê Turkiyê ava kiriye.
Û Haron ji Komîteya Olompî ya Niştimanî ya Sûrî, xwest ku tîma werzişî di çalakiyên xwedan pêdviyênên taybet de beşdar be.
Û Ebdulmejîd Berekat û Ehmed Cemîl Elelî li ser karê Komîteya Olompî ya Sûrî û rola wê ya niha di rêxistinkirina werzişa sûrî ya azad de axivîn, û şiroveyek li ser çalakiyên werzişî yên ku Komîteya Olompî li Turkiyê û li deverên rizgarkirî cîbicî dike pêşkêş kirin.
Û Berekat pesna karê Saziya Rusil û çalakiyên wê yên berçav derbarê xwedanên pêdviyên taybet da, û tekezî li ser giringiya berdewamiyê di piştgiriya vî beşê civakê kir, û got ku divê kar li ser dîtina çareserî û xurtkirin û mukumkirina wan bibe.
Û Diktor Zuhêr Mihemed li ser giringiya karê saziyê axivî, û bal kişand ser ku li gor serhejmariyên navdewletî , hejmara pêketî û kesên pî an ling hatine birîn sînorê 100 hezar kesî derbas kiriye, û got ku sedem jî operasyonên bombebarna bi mebest bûn yên ku rijêma Esed û piştgirên wê dijî avahiyên sivîl pêk anîne.
Û di dawiya civatê de li hev kirin ku divê Emîndarê Giştî yê Komîteya Olompî Ehmed Cemîl Elelî, serdana baregeha saziyê li bajarê Rîhaniyê bike, û li çalakiyên werzişî û hevrêziya di navbera Komîteyê û Saziyê de temaşe bike.
Jêder: Ofîsa Ragihandinê ya Hevbendiya Niştimanî ya Sûrî