Cîgirê Serokê Hevbendiya Niştimanî ya Sûrî Ebdulmejîd Berekat û Hevrêzkarê Desteya Têkliyên Derve Ebdulehed Istêfo, civînek li gel Şêwirmenda Siyasî ya dosya Sûrî di konsulxaneya Fransa li Stembolê de Emel Binhakok li dar xist, û bi hev re pêşhatên dawî yên rewşa meydanî û siyasî di dosya Sûrî de gotûbêj kirin.
Û Sekreterê Desteya Siyasî Ebdilbaset Ebdulletîf û endamên Desteya Siyasî Munzir Siras û Ebdullah Gado tevlî civînê bûn.
Û Berekat li ser serdanên meydanî yên Hevbendiya Niştimanî bo deverên curbecur ên rizgarkirî û hevdîtinên li gel berpirsên saziyên xizmetguzariyê û yên cîbicîkar yên girêdayî Hikûmeta Sûrî ya Demkî, her wiha li gel çalakiyên şoreşgerî, komeleyên ciwan û xwendekaran, û risipiyên deveran axivî.
Û Berekat tekez kir ku karvedanên erênî ên tevaya serdanan hebûn, û xwestekeke mezin ji bo baştirkirina ketwarê deverên rizgarkirî heye, û kar li ser piştgirîkirina xebatên Hevbendiya Niştimanî ji bo çareserkirina dosya siyasî û cîbicîkirina biryarên navdewletî dibe, ji bo gihiştina çareseriyeke siyasî ya ku têde daxwazên gelê Sûriyê pêk werin, û koçber û penaberan vegerîne dever û malên wan.
Û Berekat bal kişand ser wê yekê ku hewleke rasteqîn ji aliyê Hevbendiya Niştimanî ve bi rêya saziyên wê yên cîbicîkar bi serpereştiya Hikûmeta Sûrî ya ya Demkî ji bo kontrolkirina rewşa leşkerî li deverên rizgarkirî heye, hevdemî hebûna nîv aramiyeke ewlehî piştî ku asta tawan û êrîşên teroristî kêm bûn, ji ber siyaseta ewlekarî ya ku Wezareta Berevaniyê ya Hikûmeta Sûrî ya Demkî dimeşîne.
Û diyar kir ku Desteya nû ya Serokatiyê û ya Siyasî li ser stratejiyeke ji du beşan pêk tê kar dikin, ya yekem stratejiyeke siyasî ye ku kar ji bo piştgirîkirina piroseya danûstandinê û karê Komîteya Destûrî dike, ji bo ku dosya Sûrî li ser maseya navdewletî zindî bimîne, û cext kir ku Hevbendiya Niştimanî li hêviya xurtkirina hevrêziyeke bilind e li gel dostên gelê Sûriyê û yên ku piştgiriya daxwazên wî dikin, û bi taybetî Fransa.
Û Berekat anî ziman ku beşê duyemîn a stratejiyê xizmetguzarî ye, û armanca wê ku piştgirîkirina karê Hikûmeta Sûrî ya Demkî û bihêzkirina wê di piştgirîkirina çalakiyên sivîl û hewldana berfirehkirina xeleka beşdariyê bi wê re bike.
Û Berekat xwest ku hevsengiyek hebe, di navbera piştevaniya ku ji rikberiya siyasî re û ya ku rêxistinên civaka sivîl re tête pêşkêşkirin, û got ku divê Hevbendî karibe bighêje agahiyan derbarê banora alîkariya dighêje saziyên sivîl li ser civakê .
Û ji aliyê din ve Hevrêzkarê Desteya Têkiliyên Derve Ebdulehed Istêfo li ser şert û mercên dijwar ên herdû deverên Girê Sipî û Serê Kaniyê yên rojhilatê Firêt ji ber dorpêça ku li ser wan hatiye sepandin, axivî.
Û Istêfo anî ziman ku beşên perwerde û tenduristî û çandiniyê di rewşeke nebaş de ne, ji ber ku ew beş piştgiriya pêwîst wernagirin, û amaje bi wê yekê kir ku Hikûmeta Sûrî ya Demkî bi hemû karînên xwe ji bo dabînkirina kirîna berhemên çandiniyê di çarçoveya şiyanên sînordar de xebitiye.
Û ji rêxistinên navdewletî xwest ku piştgiriya sazî û rêxistinên civaka sivîl li herdû deverên Girê Spî û Serê Kaniyê bikin, û tekezî li ser amadebûna Hevbendiya Niştimanî ji bo amadekirina lîsteyeke pêdiviyên sivîlan li wan deveran kir.
Ji aliyê xwe ve endamê Desteya Siyasî Munzir Siras, behsa ketwarê bajarê Idlibê kir, nemaze piştî gurkirina leşkerî ya ku rijêma Esed û alîgirên wê li dijî sivîlan di dema dawî de pê radibe.
Û Sras bal kişand ser ku hemû çalakî û rêxistinên navdewletî li deverên di bin kontrola Heyet Tehrîr Elşam de, ên ku wek rêxistineke terorîst tê binavkirin dixebitin, di dema ku ew rêxistin li herdû deverên Girê Sipî û Serê Kaniyê tune ne, û dît ku ev pîvanek newekheviyê ye, nayê têgihiştin.
Û Sekreterê Desteya Siyasî Ebdilbasit Ebdulletîf rola Wezareta Berevaniyê ya Hikûmeta Sûrî ya Demkî di berfirehkirina kontrola ewlehiyê de li deverên rizgarkirî berçav kir, û amaje bi wê yekê kir ku wê gelek korsên rahênanê yên miştûmir bo endamên Artêşa Niştimanî di yasaya navdewletî û mafên mirovan de li dar xistin.
Ji aliyê xwe ve Şêwirmenda Siyasî Emel Benhacock tekezî li ser berdewamiya piştevaniya welatê xwe ji daxwazên gelê Sûriyê û hêviyên wî di azadî û rûmetê de kir, û bal kişand ser ku Fransa piştevaniya daxwazên Hevbendiya Niştimanî di Encûmena Ewlekariyê de û li Cinêvê ji bo rawestandina gurkirina leşkerî li dijî sivîlan li bakurê Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
