Hevbendiya Niştimanî ya Hêzên Şoreşê û Rikberiya Sûriyê rola civînên xwe li jêr navê Rola şehîd Ebdilbasit Elsarût duhî yekşembê bidawî kir, çend kêşeyên giring gengeşe kirin û hin guherîn di rêbaza bingehîn de kirin, her weha serpereştiyeke nû ji Hevbendiya Niştimanî re hilbijartin.
Hevbendiya Niştimanî daxuyaniya dûmahî derxist tê de bal kêşand ser ko endamên desteya giştî ‘’ hilbijartin bi berpirsiyarî û lihevkirinê û dîmuqratiyetê pêk anîn, û diyar kir ko Enes Elebde bû serokê Hevbendiyê, mamoste Ebdilbasit Ebduletîf bû emîndarê giştî, mamoste Uqab Yihya û Dr Ebdilhekîm Beşar û Dîma Mûsa wek cîgirên Serok, û 19 endam bo desteya siyasî hatin hilbijartin.’’
Her weha Desteya giştî mamoste Ebdilrehman Mistefa bo desthilata demkî damezirîne, ko berbijêrên xwe ji wezîran bi piranî di qonaxa mehekê de pêşkêş bike, tako di civîna desteya giştî de bête biryardan.
Desteya giştî biryar da hin guherînan di rêbaza bingehîn de çêbike ji wan jî bargehê Hevbendiya Niştimanî bi fermî bo xaka Sûriyê ya rizgarkirî biguhêze, hem hin guherînên pêdivî li gora daxuyaniyê.
Komîta teklîfkirî ji Hevbendiya Niştimanî bo peydeçûna dosya Idlib û Gundewarê Hema raporta xwe ya taybet bi rewşa herêmê pêşdîtin kir, piştî berdewambûna operasiyona leşkerî ya tund ji hêla rêjîma Esed û Rûsya û hin milîtanên mezhebperest yên Îranî û têkiliyên navdewletî yên ko çêbûne bo êrîşê rawestînin.
Komîtê amaje kir bi liberxwedana qehremanî ya artêşa Sûrî ya azad û beraberiya êrîşa tund li ser herêmê, û bi rêzgirtin rola Tirkiyê ya piştgiriya bizavên şoreşgeran bo têkbirina planên rêjîmê û yên piştgirên wê, bilind nirxand.
Endamên desteya giştî rewşa penaber û derbideran û bi taybetî yên Libnanê gengeşe kirin, û li ser gotara nijadperestî û tiştê encam da ko ji hêla tîmeke Libnanî ve Sûriyan tengav bikin.
Desteya giştî tekez kir ko li herêmên rizgarkirî kar bikin û piştgiriya pirogram û çalakiyan bo kartêkerkirina bargehê wê li hindir , û digel çalakvanî û hêzên miletê Sûrî danûstandinê bike, û piştgiriya komîta Elcezîrê û Elfurat berdewam bike, tako amanc û planên kar cîbicî bike, û giringî da hemû alîkariyan bo desthilata demkî tako karibe bi erkê xwe rabe.
Desteyê operasiyonên sotandina herêmên çandiniyê û amanckirina bi mebest ji ewlehiya xwarina milet re pirotesto kir û berpirsiyarî da ser milê rêjîmê û PYD û got ku ew di asta tawanên cengê de ne, û wan sotandinan ziyan gihand hemû kesên ko li ser çandiniyê dijîn.
Daxuyaniya dûmahiyê got ko wan sotandinan ziyan gihand hemû Sûriyan, desteyê daxwaz kir ko berpirsê wan tawanan têkevin ber dadpirsînê û qreboya cotyaran bibe.
Desteya giştî kêşeya girtî û windayên di zindanên rêjîma Esed û milîtanên wê de gengeşe kir û li raporta desteya niştimanî ya karûbarê girtî û windayan guhdarî kir, ya ko rewşa bobelatî ya çarîkek milyon girtî û windayî kir, û tevgera desteya niştimanî ya li ser asta rêkxistinên navdewletî û netewên yekgirtî bo bêtir guhdana navdewletî li vê dosyayê bike û dengê girtiyan bigehîne cîhanê.
Jêder: Ofêsa Ragehandinê ya Hevbendiya Niştimanî
