Endamê Desteya siyasî ya Hevbendiya Niştimanî Ya Hêzên Şoreşê Û Rikberiya Sûriyê, Mihemed Coce, dibîne ko Tawankariyên koçkirina kotekî yên ko rêjîma Esed bi beşdarbûn û sîwana dijminkarên Rûsî pê radibe, û delîvedîtina Îran ji mijarê re ko bêtir milîtanên mezhebperest ber bi Sûriyê ve bişîne, Nîşana Cengeke Mezhebperestî ye, kesek nizane ew ê çiqas ziyanê bigehîne ewlekariya Herêmê.
Rêjîma Esed bi piştgiriya Îrana mezhebperest, berdewam bombebaran û kuştinê li gund û bajarokên dorpêçkirî li dora Şamê wek Dareya, Mu’edemiyê û Qudseya dike, bi amanca ko xelkên wê bi kotetî koçber bike.
Îro heman rêbaza xwe li Kampa Xan Elşêx berdewam dike, Firokên Esed yên perwane îro bermîlên teqîner bi ser Kampa Xan Elşêx û bajarokê Zakiye û zeviyên derdora Şamê de berdane, digel wê jî bombebaraneke topan kirine ko rêka navbera herêman de amanc kir, bi wê egerê kuştarek di derheqê sivîlan de pêkhat, şeş kes ji nav wan sê jin û zarokek bûne qurbanî, digel wê jî êrîşên asmanî ji hêla rêjîma Esed û Rûsya ve ko bombeyên fosforî û bermîlên teqîner bikar anîne, her wiha firokên rêjîmê belavok bi ser Kampê de berdane agahiyê didin şoreşgeran ku çekên xwe radestî wan bikin wek pêngava berî koçberkirinê.
Coce sûc da ser milê civaka navdewletî, ji ber berpirsiyariya kêmasiyên wê, û standina hewlesta temaşekirina li rewşa koçkirin û guherîna dîmugrafî, bê ko çi tiştekî bikin, û van tawankariyan rawestînin, û got ko tev hinek bangên lawaz ji hin dewletên heval derketin, lê civaka navdewletî ta nuha himber van tawankariyên Rêjîma Esed û şirîkên wê Rûsya, Îran û milîtanên mezhebperest nikare bi berpirsiyariya ko jê tê xwestin rabe.
Coce ji Artêşa Sûrî Ya Azad û hêz û alayên Şoreşê yên Xûta Şamê daxwaz kir ko tevbigerin û eniyên şer himber rêjîmê vekin, tako zincîra koçkirinê û guherîna dîmugrafî li welat û bi taybetî li gundewarê rojavayê Şamê rawestînin.
Jêder: Hevbendî
