Rijêma Esed xelkê bajarê Me’edemiyê li gundewarê Şamê, neçarî koçberiya ber bi bajarê Idlibê ve kirin, piştî dorpêçkirin û birçîkirina xelkê wê û bombebarankirina avahiyên nişteciyan bi çekên bêserûber.
Tê zanîn ku bêhtir ji 45 hezar kesî li Me’edemiyê dijîn, û di heyamê çar salên bûrî de dihat dorpêçkirin û topbarankirin, lê ev heyamê salekê ye, bi tundî ji aliyê hêzên Esed ve hatiye dorpêçkirin.
Mihemed Coca, endamê desteya siyasî ya Hevbendiya Niştimanî ya hêzên şoreş û rikberiya Sûriyê, dît ku tawankariyên koçberkirina neçarî, yên rijêma Esed dike, bi alîkariya dagîkeriya Rûsiya û Vîtoya wê tên pêkanîn, û Îran vê yekê derfet dibîne û şandina milîsên xwe yên tayifeperest zêde dike; û ev yek zenga zengilê şerekî tayîfî lê dide, û çi kes nikare texmîn bike ku ziyanên vê yekê li ser ewlehiya navçeyê bi tevahî wê çi bin?.
Coca civaka navdewletî dît berpirsyar di ber erkên wê de, û dît ku ew bê helwest e, û bitenê seyra kiryarên koçberkirinê û guhertina demografîk dike, bê standina helwestekê bo rawestandina van tawankariyan, û cext kir ku civaka navdewletî bi erkê xwe ranebûye li hember tawanên rijêma Esed û hevparên wê yên Rûsî û Îranî û milîsên tayifeperist, tevlî hin bangewaziyên lawaz ji aliyê dewletên dost, lê ew bi erkê xwe ranebûne.
Jêder: Hevbendî
