Hevbendiya Niştimanî ya hêzên şoreş û rikberiya Sûriyê, bikaranîna sivîlan wek mertalên mirovî ji aliyê rêxistina “DAÎŞ”ê li gundên Babê li bakurê Helebê şermezar kir.
Herwiha Hevbendiyê îro di daxuyaniyekê de, tirsa xwe nîşan da li hember pêkanîna komelkujiyên qirkirinê li dijî sivîlên girtî û desteserkirî yên di bin li destê DAIŞê de, wek heman komelkujiyên di derheqê bidehan ji sivîlên bêguneh yên Dêrazorê yên ser bi hoza Elşi’êtat ve hatine pêkanîn.
Hevbendî tekez kir ku armanckirina sivîlan bi mebesta tirsandin û koçberkirina wan ji cih û warên wan, û herwiha revandina 700 hemwelatiyên Kurd yên leşkeriya neçarî ya hatî sepandin ji aliyê DAÎŞ’ê ve li navçeyên dibin destê wê de red kirin, ku ev yek karekî bi hemû pîverên mirovî şermezarkirî ye, û hevdem hişyarî da li ser bikaranîna wan wek mertalên mirovî di çeperan de.
Dîsa Hevbendiyê daxwaz ji civaka navdewletî kir ku bi erk û berpirsyaretiyên xwe yên rewştî û yasayî rabe, bi rêka pêdagiriya wê bi piransîpên mirovî yên li ser binyatên dad û azadiyê, û herwiha piştgiriya xebata gelan li dijî rêjîmên zordest û li dijî rêxistinên tundrew û milisên çekdar yên li kêlek rêjîma Esed disekinin.
Hevbendiyê dubare tekez kir ku rêjîma Esed hêjî yekem piştgirê terorê û terorîstên li Sûriyê ye, û ji civaka navdewletî tê xwestin ku pêgavên wêrek û diyar bavêje, ji bona pêşvebirina piroseya siyasî bi rêka cêbicêkirina xalên daxuyaniya Jinêv1 û biryarên NY yên pêwendîdar.
Li dawiyê Hevbendî hevxemiya xwe li hember revandina zarokên xelkê me li Babê, ji berî du rojan ji aliyê DAÎŞ’ê ve anî ziman, hevdem daxwaza hevkarî û hevgirtinê ji wan kir, û hişyarî da ji lîstokên destekên Rêjîmê dikin, ji bona belavkirina fitnê di navbera xelkê welat de.
Jêder: Hevbendî
