Cîgirê Serokê Hevbendiya Niştimanî Sûrî tawankariya kirêt ku rêxistina “Daiş” li Dêra Zorê pêk anî şermezar kir. Xelkên bajêr goristanek giştî li gundewarê bajêr yê Rojhilat dîtin, ku li gor rewangeha Sûrî ya Mafên Mirovan 220 cendek tê de hebûn, hemû yên êla Şiʾêtat ya ku havîna par şerin dijî hêzên rêxistina ” Daiş” kirin, û destdanîna rêxistinê li ser deverê bidawî bû, rêxistinê bi dehan ji xelkên vê hozê girtin, û hindek ji wan bi gunehê vegera ji ola misilmamniyê bidar vekirin!.
Qedah di daxuyaniyekê ji nivîsgeha ragihandinê re got:” Hemû diktatoryên nûjen em fêr kirine ku ji bilî mirin û wêraniyê li pey xwe nehêlin, û ji bilî cendek û mirinê li xaka me neçînin”.
Qedah weha jî got: ” Ji çar salan ve em zehmetiya wêranî û kuştinê ji rejîma Esed û Milişiyên wî yên nijadperest dikêşînin, dûv re “Daiş” hat û heman rêbaz meşand, tu nikarî tu cudahiyê di navbera rejîma Esed û ” Daiş” de bibînî ji hêla kuştin û tawankariyê ve”.
Cîgirê Serokê Hevbendiyê tekez kir ” Goristanên giştî mikurbûnek e ji çêkerê wan ku ew tawankar û kujer e, û ji yasayê derketî ye, lewre bêçare maye ku paşmayên tawana xwe mîna kujerekî şareza veşêre”. Qedah di dawiya daxuyaniya xwe de tekez kir ku ” Xelkên Sûrî ji pêşveçûna şoreşê da bigihên Sûryeke nû nayên xwarê, Sûrya bidad, azad, û rûmet ji hemû xelkên xwe re, tevlî nirxê wê yê buha ku hemû xelkên Sûrî ji 4 salan ve pêşkêş kirin û dikin”.
Jêder: Hevbendî – Cezîrê
