Xalid Elsalih serokê Nivîsîngeha Ragihandina Hevbendiya Niştimanî, destxweşî li çalakiyên tîma kongirê damezrandina ragihandina serbixwe kir, û got:”ku damezrandina ragihandineka serbixwe pêngaveke durist e, û nîşana têgihek rasteqîne ya ciwanên serperiştiya wê dikin”, û got:”ku ev ezmûnekî mîdiyayî bêhempa ye û ji berhemê çalakvanên şoreşa sûrî ye, û karekî şayiste û hêjayî rêzgirtinê ye, û pêdivî bi alîkariyê ye bo bigihêje astekî pirofîşenal bo dahênana raman û piransîbên bikarîn bo avakirina Sûriya paşerojê, ku îro metirsiya ragihandinê nekêmtire ji ya çekan, û nebûna kanalên mîdiyayî yên pîşeyî û serbixwe dibe ziyanê bigihîne şoreşê û bibe sedema bobelatên civakî, ku pêşkêşkirina şîretan bo peydakirina gotareka mîdiyayî ya azad dûr ji bendên siyasî yên rêjîma Esed sepandine, pêdiviyek bileze û serkeftin di amadekirina wê de pêngaveke rasteqîne ye ber bi têgihiştina raya giştî ya xocihî û Erebî û Navnetewî bo gerandina tekerê şoreşa zagon û azadiyê”. Hêjayî gotinê ye ku berî du rojan hindek çalakvanên mîdiyakar yên belav di navçeyên Sûriya de, workşopeka meşq û rahênanê bi dawî kirin derbarê peyamnêriya telviziyonî û amadekirina raportên wênekirî li gor pêverên navdewletî, di wê workşopê de ya 4 rojan dirêj kir, nêzîkî 40 çalakvanî amadebûn ku hin ji amadebûyan nûnerên hin aliyên ragihandina şoreşgerî bûn, ji ber kawdanên zehmet yên çalakvan têde dijîn lewra workşop hat rêxistin bi rêka pirogramekî taybet bi bestina kongireyan bi rêka enternêtê bi serpirştiya rahênerên taybetmend. û kongirê daxwaza dîtina yekaliyekî ragihandinê û bi yek encûmenê kargêriyê hevbeş kir, û ne bi samanê taybet yanjî yê kesayetî, herwiha daxwaz hat kirin ji bo mifawergirtinê ji ezmûnên ragihandinê yên pêşeyî û pirofîşnal, tevlî karkirin bo vegerandina rastgoya mîdiya şoreşê, û karanîna durist ya binyatgeriyên pêwendiyê ligel alavên mîdiya Erebî û ya biyanî. û kongir handan li ser yekkirina zarav û têgehên ragihandinê kir, û daxwaza damezrandina desteyeka mîdiyayî ya serbixwe bi çendîn zimanan kir, û herwiha ku kar bike bo pêkanîna girûpeka pêwendiya mîdiyayî li dewletên Ewropî, û amadekirina sitavên ragihandinê yên pirofîşnal li ser xaka sûriyê, zêdebarî avakirina dezgehên ragihandinê yên bawerpêkirî yên tên dîtin û bihîstinê, hêjaye ku Hevbendiya Niştimanî di 17ê mijdara bûrî de dest bi pirojeyê amadekirina rênasên karê mîdiya niştimanî kir, bi tevlîbûna çendîn mîdiyakarên sûrî yên di saziyên erebî û cîhanî de kar dikin, bi armanca pêşxistin û bilindkirina astê karê ragihandinê, ku Hadî Elbehra seokê Hevbendiyê di vekirina dîdargehê de tekezî kir li ser” ku îro cenga mîdiyayî nekêmtir e di giringiya xwe de ji cengên leşkerî yên artêşa Azad li dijî rêjîma Esed dike, û îro ragihandinê pêdiviya netenê cemawerê şoreşgeran araste bike, herwiha pêdiviya heta ber bi hindek ji alîgirên Esed jî bêne araste kirin, ku nabe ew cemawer bêne piştguh xistin, ji ber ku Sûriya bo tevaya Sûriyan e bi tevaya pêkhateyên xwe ve yên netewî û olî û ediyolojî yên ciyawaz û netenê bo şoreşgeran e”. Ku amadebûyan qewêtiya damezrandina desteyeka serbixwe kirin bo ragihandina niştimanî, tevlî kanaleka telviziyonê û êzgehekî û rojnameyeka demgerî bi armanca ku pêwendiyê bi welatiyê Sûrî û yê Erebî re û bi raya giştiya cîhanî re, tevlî danîna boçûnan û rêşûnên bilez jibo çareserkirina ketwarê ragihandina Sûrî bi rêka destnîşankirina arîşeyên li pêş gotara ragihandinê çê dibin û tevlî pêşniyarkirina çareseriyên kartêker yên sînorekî ji hebûn û berdewamiya arîşeyan re datînin, û Xalid Elsali serokê Nivîsîngeha ragihandina Hevbendiyê daxwaza guhertina pêşniyar û şîretên mîdyakarî kir, yên pêşkêşkirî bo ragihandina şoreşê ji ser kaxezê bo warê cêbicêkirinê û bi leztirîn dem, ji ber ku rewşa welatiyê Sûriyê dîtir nama bendewariyê dipejirîne”.
Jêder: Hevbendî
