Serokê berê yê Hevbendiya Niştimanî û endamê desteya siyasî Hadî Elbehra got ku “berpirsyaretiya nedanîna sînorekî ji bobelata gelê Sûriyê re li ser asta navdewletî dikeve li ser milê Amerîka û Rûsiya, ku kilîtên aktîvkirin û herwiha jikarxistina Encûmena Ewlekariyê di dest herdu dewletan deye”, evjî wek bersivdanekê li ser daxuyaniyên peyvdarê wezareta derve ya Amerîka “Con Kêrbî” ku Pentagon û artêşa Amerîka û herwiha hêzên Hevpeymaniya navdewletî niha pêwîst nabînin sepandina navçeyek tenah di Sûriyê de.
Dîsa Elbehra got ku berpirsyaretiya li ser asta herêmî di pêşiyê dikeve li ser Îranê û paşî dikeve li ser stûyê wan dewletên rê didin şandina mêlîşeyên tayîfî û welatiyên xwe bo piştgiriya Esed.
Elbehra diyar kir ku rewşa niha ya Sûriyê aloztir bûye bi sedema çendîn qeyranên navdewletî û herêmî, herwiha ku Sûriya niha ketiye di çarçoveyê oparisyonên Hevpeymaniya Navdewletî bi serkêşiya Amêrîka li dijî DAIŞê û bûye pêgehek cografî ji Hevpeymaniyê re ya Îraq û Sûriya bi xweve digire.
Herwiha got ku derbasûna Hevpeymaniya Navdewletî bi têkilî û hevpeymaniyan re ligel hin hêzên xwecihî, hin ji wan fermî ne û hinjî nefermî ne ku vê yekê rewş bêhtir ber bi tevlîheviyê bir, ku di navbera hin ji van hêzan de hin nakokî hene û hin ji wan ji damar û kokên arîşeyê ne tevî ku hin ji wan hevparin ligel hêzên rêjîma Esed di şerê li dijî milet û tawanên şer pêkanîna li dijî gelê Sûriyê, herwiha ku hin ji wan beşdarî kirine li dijî hêzên Amerîka li serdemê şerê li Îraqê û bûne sedemê kuştina serbazên Amerîka.
Elbehra bal kişand ku ev alozî û tevlîhevî û hevpeymanî hemû, di encamê de êş û azarên gelê Sûriyê zêdetir dikin, û dibin sedemê zêdebûna têkçûna jêrxana dewleta Sûriyê, lewra pêwîste xal li ser tîpan bêne danîn, hevdem Elbehra tekez kir ku ev baredoxên han bûne hokarê lawaziya mîkanîzim û şiyan û standina biryarên yekalî ji aliyê dewletên piştgirên gelê Sûriyê, tevlî ku ev metirsî niha di Sûriyê de bi awayekî zêde dibin gef li ser ewlehiya van dewletan.
Jêder:Hevbendî