Îro roja duşemê nêzîkî 2000 penaberên Sûrî ji navçeya “Aqçe kela” ya Tirkiyê derbas bûn û ber bi bajarê Girê Spî yê Sûriyê ve hatin, piştî vekirina dergehê sînor ji herdu aliyên Tirkiyê û Sûriyê ve, piştî koçberiya bikomel ya hevdem ligel qewtandina rêxistina DAIŞê ji navçeyê.
Têzanîn ku Komîteya Dûvçûna Rastiyan ya ji aliyê Hevbendiya Niştimanî hatiye damezrandin, vegera penaberan li devera derwazê sînorî şopandin, ji bo gerantiya vegera wan penaberan li gund û warên xwe.
Hêjayî gotinê ye ku komîteya navhatî li roja yekşema bûrî dest bi karubarên xwe kir, û bidehan xêzanên ji Girê Spî û gundên wê koçber bibûn dîtin ,û herwiha komîteyê serdena çendîn xêzanên penaber kir û rewşa wan ji nêz ve şopand, û heman komîte karê dariştina raportekê derbarê bûyerên çend rojên dawiyê li wê deverê çêbûn dike.
Endema heryek ji desteya siyasî ya Hevbendiyê û Komîteya Dûvçûna Rastiyan Nûra Elemîr got ku komîteyê li axavtinên çendînn xêzan û çalakvanan derbarê baredoxên koçberiya wan û viyana wan ya vegera li ser gundên xwe û gerantiyên pêwîst bo vê yekê guhdarî kir.
Elemîr amaje kir ku komîte pêwendiyan ligel çendîn aliyên kartêker di navçeyê de dike ji bona derbasbûna li nav bajarê Girê Spî û şopandina rewşê bi şêweyekî yekser û zindî.
Jêder:Hevbendî
