Berdevkê desteya bilind ya danûstandina Riyad Ne’san Axa, tekez kir ku ew sûr in li ser cîbecîkirina biryarên Encûmena Ewlekariyê, û çêkirina rêjîmeke dîmoqratî ku Esed di nav de tunebe.
Û Axa amaje kir ku Rêjîm guh nade biryarên Encûmena Ewlekariyê, û ew dixwaze hikûmeteke nû çêbike ji girûpa Hemîm li gor wî binav kir.
Û her weha da xuyakirin ku danûstandin navbera Rêjîmê û şandeya Rikberiyê de hîna neketiye çarçoveya rastiyê de, û destnîşan kir ku herdû alî hîna pir ji hev dûr in.
û cîgirê serokê desteya bilind ya danûstandinan Yehya Elqedimanî got: tevaya pêşinyarên tên pêşkêşkirin, çi destûra nû be, û çi jî parkirina siyasî be, di nav Rêjîmê û Rikberiyê de” ew tenê nepoxên taqîkirinê ji kesên xwedanên derûnên lawaz re ne, û yê ku li wan siwar be wê bi xurtî bikeve”.
û weha jî got:” tu kes nikare pirojeyên wek van pêşkêşî me bike, ji ber ku em bizavê dikin ji bo çareseriya siyasî di bin sîwana cinêv1 û hemû biryarên navdewletî yên peywendîdar, û ji bilî van tu kes tiştekî din napejirîne”.
Û der barê pirosêsa çareseriya siyasî û hevpariya bi Esed yan bi Rêjîmê re, Elqedimanî da xwiyakirin ku” arîşe ne di Rêjîmê de ye, ji ber ku Rêjîm dewlet e û dezgehên wê ne, lê arîşe di rêjîma Esed û xeleka derdora wî de ye, yên ku desthilata xwe bikar anîn ji bo gurandina gelê Sûriyê”, û tekez kir ku, çareserî wê hevparî be, lê bi kesên ku destên wan bi xwîna Sûriyan nebûye, lê Esed û derdorên wî, ew in yên ku fermanên wêrankirina bajarên serhildêr bi ser serê xwediyên wan de dane”.
Û Elqedimanî bangek da ji bo tevaya Sûriyan û got ku” dem hatiye ji bo lebat û rabûna tevaya Sûriyan, tevlî alîgirên Rêjîmê, ji bo rizgarkirina welat û ruhabûna ji viyanên biyaniyan, ji ber ku çarenûsa me yek e, û Sûriya ji tevaya gelê wê re ye, ne ji pêkhateyekî an jî mezhebekî tenê re ye”.
Jêder: Simart+ El’erebî
