Desteya bilind ya danustandinan digel nûnerên çalakiyên şoreşgerî yên li Xûta rojhilat, belgenameya xalên hevbeş ya şanderê navdewletî bo Sûriyê Stîven Dîmestora ya di gera dawiyê ya danustandinên Jinêv de pêşkêş kiribû gengeşe dike.
Ev çalakî di simînereke gengeşekirinê de bi rêka setelaytê re, ku ji aliyê nivîsîngehên Hevbendiya Niştimanî yên di Sûriyê ve hatibû lidarxistin, û di simînarê de sê tewer hatin gengeşekirin, ewjî: berê Merc li ku derê ye?, pêvajoya danustandinan di navbera şer û agirbestê de, belgenameya xalên hevbeş ya hatî pêşkêşkirin ji aliyê Dîmestora ve di navbera redkirin û pesendkirinê de.
Ku heryek ji Es’ed Elzû’bî serokê şanda danustandinkar û Mihemed E’lûş mezinê danustandinkaran pişkdarî simînarê bibûn, herwiha rêveberê nivîsîngehên Hevbendiyê Mihemed xêr Elwezîr got ku berî gera bê ya danustandinan û di dema wê de jî, wê gelek hevdîtinên nû bêne lidarxistin di navbera şanda danustandinkar û nivîsîngehên Hevbendiyê yên din yên li parêzgehan.
Elwezîr got ku: “Em hewl didin daxwazên gelê Sûriyê bigehînin ber destê desteya bilind ya danustandinan, ku piraniya wan tekezî kirin li ser giringiya duristkirina desteyeke fermanraniya veguhêz ya bi tevaya desthilatên cêbicêkar ya bê Beşar Esed”.
Têzanîn ku ev duwem hevdîtin e di navbera Desteya Danustandinan digel çalakvanên şoreşgerî, ku yekem hevdîtin.di.21adarê de bi amadebûna serokê şandê û mezinê danustankaran hatibû lidarxistin.
Jêder: Hevbendî
