Desteya Danûstandinan a Sûrî civîna xwe ya asayî di navbera 17 û 20ê heyva mijdarê de li Cinêvê lidar xist û tê de pêşhatên dawî li Sûriyê, pêşhatên proseya siyasî û encamên rewşa aloz li herêmê gotûbêj kirin.
Desteyê di daxuyaniyekê de amaje bi wê yekê kir ku kiryarên dijminane yên Israîla dagirker bûn sedema reva bi deh hezaran welatiyên sûrî, libnanî û felestînî ber bi Sûriyê de bo rizgarbûna ji bombebaranê û şer, û daxwaza agirbestê û rawestandina armanckirina sivîlan û navendên sivîl li Gaza, Libnan û Sûriyê û cîbicîkirina biryarên Encûmena Ewlekariyê yên pêwendîdar kirin.
Desteyê tekez kir ku sedema sereke ya tiştên li herêmê rûdidin ew e ku civaka navdewletî nikare biryarên navdewletî yên girêdayî Sûriye, Libnan û Filistînê cîbicî bike.
Desteyê bombebarana li dijî parêzgehên Idlib û Helebê ku bû sedema mirin û birîndarbûna sivîlan protesto kir.
Desteyê tekezî li ser giringiya rola civaka navdewletî di cîbicîkirina sozên xwe de kir, da fişarê li rêjîma Esed bike ji bo azadkirina hemû girtiyan, û eşkerekirina çarenivîsa windayan, û tekez kir ku tiştê Rêjîm bi riya derxistina qanûnên efûyê re dike, tenê hewldanek xapandinê ye, ti bandoreke rastîn jê re nîne.
Desteyê amaje bi wê yekê kir ku endamên Desteyê, hejmarek pispor, rêxistinên civaka sivîl û endamên revenda sûrî-amerîkî tevlî komxebateke berfireh bûne, bi armanca lêkolînkirina astengî, kêşe û derfetên li pêşiya gelê Sûriyê di riya xebata wî ya ji bo çareseriya siyasî ya berfereh a veguheztina siyasî pêk bîne li gorî ragihandina Cinêvê ya sala 2012an, biryara Encûmena Ewlekariyê ya NY jimare 2254 û biryarên navdewletî yên pêwendîdar.
Desteyê diyar kir ku wê di komxebatê de behsa rawestana pêvajoya siyasî û astengiyên wê, û guhertinên herêmî yên çaverêkirî yên girêdayî hebûna Îranê li Sûriyê kir, herweha proseyên asayîkirina têkiliyan bi rêjîmê re û guhertinên di helwestên navdewletî de hatin nirxandin, û beşdaran jîngeha ewle û bêalî di çarçoveya çareseriyeke siyasî ya tekûz de li gora ku di daxuyaniya Cinêvê ya di 30/6/2012 de û biryarên Encumena Ewlekariyê jimare 2118 û 2254 de hatiye, gotûbêj kirin.
Desteyê amaje bi wê yekê jî kir ku di komxebatê de herwiha mijara penaber û awareyên sûrî ji aliyekî ve weke kirîzeke mirovî û ji aliyekî din ve weke pirseke yasayî û siyasî, û rewşa perwerdeyê li navçeyên curbicur ên Sûriyê û astengiyên li pêşiya piroseya xwendinê, herweha pirsa vejandina zû li gor nerîna proseya siyasî û kêşe û derfetên ku heye derkevin, hatin gotûbêjkirin.
Desteyê amaje bi wê yekê kir ku di komxebatê de sizayên navdewletî ji aliyê armanc û encamên wan ve li ser gelê Sûriyê û rêyên reva rêjîmê û piştgirên wê ji wan hatin gengeşekirin, pişt re bandorên şerên li navçeyê li ser berhemdan û bazirganiya Kaptagonê ji aliyê rejîmê ve û bikaranîna wê ji armancên siyasî re û bandora civakî û aborî ya vê diyardeyê hat behskirin.
Di dawiya komxebatê de, kesên amade encamên hilbijartinên Amerîkî û bandora wan a texmînkirî li ser dosya Sûriyê gotûbêj kirin, piştre li ser kêşeyên bingehîn ên derfetên pêkan li pêşiya hêzên şoreş û rikberiya Sûriyê, gotûbêj kirin, li gorî ku di daxuyaniya Desteyê de hatiye.
Desteyê tekez kir ku civîna wan bi hejmarek temîniyên pratîkî ên ku wê bên lêkolînkirin da di hewlên xwe yên berdewam de sûdê jê werbigirin ji bo pêşdebirina proseya siyasî û gihîştina encamên wê yên daxwazên gelê Sûriyê pêk bînin, bi dawî hat.
Jêder: Ofîsa Ragihandinê ya Hevbendiya Niştimanî ya Sûrî
