Desteya danûstandinan a Sûrî civîneke berfireh li paytexta Siûdî Riyad lidar dixe, nûnerên komîta destûrî tê de amadekariyên rûniştinên danûstandinê derbarê daraştina destûra nû ji bo welat li bajarê Cinêvê dawiya vê heyvê dikin.
Di civînan de gelek tewer gengeşe dibin, û kesên amade li ser kargehên kar yên taybetmend hatin dabeşkirin, û dê pênc rojan berdewam bike, bi amanca amadekirina belge û dosyên taybet bi pirosesa destûrî ne.
Serokê Hevbendiya Niştimanî ya Hêzên Şoreşê û rikberiya Sûriyê, Enes Elebde, di civînê de tekezî li ser giringiya karûbarê ko pê radibin kir, û got: Ew li pêşberî daraştina destûrekê ne ko bi xwîna qurbaniyan û hêsirên dayikan hatiye nivîsandin, ew destûra hemû Sûriyan e.
Û bal kêşand ser giringiya ku her yek berpirsiyarên xwe hilgire, ko ji berî bêtir ji nîv sedsalê de ev dijwartirîn erk e li ser milê kesayetiyên siyasî yên sûrî, û daxwaz kir ko bizav û kar bi şêweyekî bêtir afrandyarî û pabendî be, û kesê pê radibin bi semax û hêvî bin.
Serokê desteya danûstandinên Sûrî, Nesir Elherîrî, tekez kir ko pêkanîna destûra nû ne çareseriya kêşeya Sûrî ye, û tekez kir ko ew ne bedêle ji desteya hukumraniya veguhêz re, û got ku divê destpêkirina karê wê ligel danûstandinan li ser karûbarên spetên din be.
Û bal kêşand ser ku beşdarbûna di pirosesa destûrî ji dadweriya kêşeya Sûrî tê, ya ko rêjîm ji beraberiya wê direve, û tekezî li ser pabendiya bi pirinsîb û amanceên miletê Sûrî kir, û viyan û nerîna zelal çekên me bin, û got: Em sînorê ko em lê rawestin dizanin, eger piroses ket metirsiyê yan ji pêvajoya xwe ya rast derket.
Û koma navdewletî û şandyarê navnetewî han dan li ser karê jidil ji bo piroseseke dirist û bê astengî ji komîta destûrî re di demeke destnîşankirî de û li gor biryara 2254 dest pê bikin, û kar bo berdana girtiyan bikin, û agirbestek tekûz pêk were, û bi taybetî li Idlibê.
Jêder: Ofisa Ragihandina Hevbendiya Niştimanî Sûrî
