Desteya Danûstandinan a Sûrî li Brukselê civîneke şêwirkarî ya berfireh li dar dixe

Roja duşemê, li Bruksela paytexta Belcîka, Desteya Danûstandinan a Sûrî civîneke rawêjkariyê bi civaka sivîl re di bin navê “Pêşketinên di rewşa Sûriyê û pêvajoya siyasî de” li dar xist, bi armanca xurtkirina diyalog û hevkariyê di navbera Desteyê û civaka sivîl, partiyên siyasî, hêzên çalak û lobiyên sûrî de, û bestina hevpariyên stratejîk ên ku piştgiriyê didin armancên niştimanî yên hevbeş û proseya siyasî.
Ev civîn bizavek e ji bo kûrkirina peywendiyan bi beşên herî berfireh ên civaka sivîl re û gotûbêjkirina pêşhatên dawî yên girêdayî pêvajoya siyasî ya Sûrî, û bûyerên bilez çêdibin li ser asta Sûrî, herêmî û navdewletî, û danîna mîkanîzmayan ji bo şêwirîna li gel beşên berfireh ên civaka sûrî li Ewropa û welatên penaberiyê.
Serokê Desteya Danûstandinan a Sûrî Bedir Camûs, endamên Desteyê Enes El-Ebdeh û rêveberê ofîsa Cinêvê Hisên Sebax û endamê Hevbendiya Niştimanî Mihemed Yehya Mektebî di civînê de beşdar bûn, û hejmareke mezin ji xebatkarên civaka sivîl, rêxistin, sendîka, partî û kesên serbixwe yên çalak li ser asta siyasî û civakî amade bûn.
Di hevdîtinê de Serokê Desteyê Bedir Camûs şiroveyeke berfireh û giştgîr li ser xebata dîplomatîk, siyasî û yasayî li ser asta herêmî û navdewletî ku ji aliyê Komîsyonê ve ji bo bicîkirina çareseriya siyasî ya berfereh li ser bingeha biryarên navdewletî, bi taybetî biryara 2254 ya Neteweyên Yekbûyî pêşkêş kir, tê de helwest û stratejiyên welatan diyar kirin, û ronî da ser kêşeyên li pêşiya proseya siyasî, zehmetiyên tên pêşiya Desteyê, û bizavên wê li ser asta navdewletî û di Encûmena Ewlekariyê de ji bo pêşdebirina proseya siyasî û hiştina dosya Sûriyê di nav pêşaneyên sereke yên welatan de.
Camûs şiroveyek li ser hevdîtinên berfereh bi şanderên welatan û siyasetmedar û dîplomatan re li ser asta Erebî û navdewletî û xebatên berdewam ên desteyê li ser asta Netewên Yekbûyî û Encûmena Ewlekariyê, û peywendiya bi endamên Encûmena Ewlekariyê re ji bo şirovekirina rewşa Sûriyê pêşkêş kir, û behsa metirsiyên berdewamiya astengkirina çareseriya siyasî ji aliyê rêjîma Esed ve û dûrketina ji cîbicîkirina biryarên navdewletî yên li ser wan hatiye lihevkirin û divê bên cîbicîkirin û hewildana razîkirina van welatan kir, ji bo peydakirina mîkanîzmayên ferzkirinê li ser hemû aliyan ji bo biryarên navdewletî, ji peymana Cinêvê heta bi biryarên 2118 û 2254, cîbicî bikin.
Camûs behsa pêkhateyên Desteyê û lihevkirinên wê, pirensîpên giştî yên stratejiya wê, û karûbarê wê weke aliyekî danûstandinê ku nûnertiya Sûriyê dike, kir.
Her wiha li ser karê ofîsên Desteyê û karê ku li gel rêxistinên navdewletî yên têkildarî mijarên penaberan, girtiyan, windayan, berpirsiyarî û dadweriya veguhêz dike, axivî.
Camûs bi amadebûyan re giringiya hevbeşiya di navbera Desteyê û civaka sivîl de gotûbêj kirin, û li ser rol û giringiya lobiyên sûrî û pêwîstiya karekî hevgirtî yê tevayî ku piştgiriyeke bihêztir ji doza Sûriyê re li ser asta giştî dabîn dike axivîn.
Camûs tekezî li ser pêwîstiya avakirina hevpeymaniyên hevseng, wekhev û hevtemamker di xebatê de kir. ji bo baştirkirina awayê karê her kesî û gihîştina encamên bibandortir, û li ser rola xizmên qurbaniyan di livandina van dosyeyan de axivî.
Di civînê de amadebûyan rewşa penaberên Sûriyê, kêşe û metirsiyên ku rûbirûyê wan dibin, bi taybetî penaberên Sûrî yên li Libnanê û metirsiyên dutaq ên tûşî wan dibin, çi li Libnanê bin yan jî dema ew birevin Sûriyê, û gefên rêjîmê dema vexwendin û girtina wan, û tirsa ji wê yekê ku rêjîm hewl dide guhertineke demografî bi riya penaberên Libnanî yên ku tên Sûriyê de çêbike, û pêwîstiya ku ji karsparteya penaberan UNHCR were xwestin ku rewşê bi hûrbînî û zelalî bişopîne.
Camûs tekez kir ku Desteyê dest ji pirensîpên bingehîn ên şoreşê bernedaye û nade, û pabendî çareseriya siyasî li gor biryarên navdewletî ye, û tekez kir ku rêya bingehîn rêya Cinêvê ye, û niyeta komîsyonê ew e ku hewl bidin careke din bi Washington re kar bikin da ku rêveberiya Amerîkî bi pêwîstiya pejirandina stratejiyek nû ji Sûriyê re razî bikin, û wê bighînin wê baweriyê ku tenê destûrek nû, hilbijartin û guhertinek siyasî ya berfereh û ji kok de dikare ewlehî û aramiya berdewam garantî bike, û Sûriye nemîne weke navenda metirsî û aloziyê li herêmê.
Gotûbêjên girîng, zelal û kûr di navbera amadebûyan û serkirdayetiya Desteyê de pêk hatin, û tekezî li ser pêwîstiya çavdêrîkirina alîkariyên ku dê bi rêya pirojeya Başkirina Zû de bêne pêşkêşkirin kirin, her weha gotûbêj li ser giringiya xweragiriya stratîjîk û kêmnekirina armanc û hêviyên gelê Sûriyê hat kirin.
Jêder: Ofîsa Ragihandinê ya Hevbendiya Niştimanî ya Sûrî