Desteya Danûstandinan a Sûriyê duh yekşemê bi amadebûna hemû pêkhateyan civîna xwe ya asayî li bajarê Cinêvê lidar xist, têde pêşhatên dawî yên girêdayî pirsa Sûriyê û piroseya siyasî û helwêstên welatan piştî pêşketin û pevçûnên li rojhilata Navîn bi taybetî û guhertinên ser asta navneteweyî çêdibin bi giştî gotûbêj kirin.
Di destpêka civînê de, Serokê Desteyê Bedir Cemûs agahiyên berfireh pêşkêş kirin, û pêşhatên dawî yên girêdayî proseya siyasî, hewildanên siyasî û dîplomatîk ên Desteya Danûstandinan a Sûriyê di dema dawî de nirxandin. Û behsa encamên civînên berfireh ên serkirdayetiya Desteyê bi dîplomat, siyasetmedar û nûnerên welatan re li Neteweyên Yekbûyî li Cinêvê her weha Nûnerên welatên Ewropî û dîplomatên li Brukselê, û hevdîtinên bi nûnerên welatên erebî re kirine kir, her weha hevdîtinên serkirdayetiya Desteyê li New Yorkê ligel welatên endamên Encûmena Ewlekariyê ya Neteweyên Yekbûyî, yên ku hebûna Desteyê di forumên navneteweyî de xurt kir.
Cemûs behsa kêşe û zehmetiyên ku pirsgirêka Sûriyê di vê dema niha de tê re derbas dibe kir, di dema zêdebûna aloziya li herêmê, bandora êrîşên Israîla dagirker li ser Xezze û Libnanê, û berfirehbûna wê ber bi Sûriyê di heyama dawî de kir, û neguhêriya helwêsta Komisyonê li ser çareseriya siyasî li gor biryarên navdewletî, û pêwîstiya cîbicîkirina tam ji biryara 2254 re bi awayekî tam, û deste dev ji pêvajoya Cinêvê û biryarên navdewletî yên girêdayî pirsa Sûriyê bernade, di nav de biryarên Encûmena Ewlekariyê, 2118 û 2254 û pabendbûna bi çareseriya siyasî ya ku dibe sedema guhertinên siyasî yên berfereh li Sûriyê, li gorî rêjeya qurbaniyên Sûriyê di çardeh salên borî de ye.
Û amaje bi civînên berfereh ên desteyê bi komên civaka sivîl ên Sûriyê re li deverên curbicur ên cîhanê kir, ku ji aliyê Desteyê û hevkarên wê ve li Berlîn, Stenbol, Hewlêr, Cinêv, Brûksel û paytextên din hatin organîzekirin, û bal kişand ser girîngiya danûstandin û beşdariya ligel her aliyan wek sendîkayên pîşeyî, yekîtî, rêxistinên civaka sivîl, çalakiyên gelêrî, hêzên şoreşger, ciwan û jinan, guhdana Desteyê bi pêşxistina hevkariyê û sûdewergirtina ji ezmûnên hemû aliyan û pêşwazîkirina hemû pêşniyar û ramanên ku bikarin xizmeta piroseya siyasî bikin.
Endaman bi berfirehî kêşe û derfetên navdewletî û herêmî gotûbêj kirinin, û analîzên kêşeyan li ser astên herêmî û navdewletî, û derfetên hevkariyê di navbera aliyên cuda de, çi li ser astê navdewletî û çi li ser asta herêmî û civaka sivîl û partiyên siyasî û hêzên siyasî û sendîkayî be pêşkêş kirin.
Her wiha endaman kar û xebatên nivîsgeha yasayî di komîsyonê de nirxandin, û xebatên ku dike di warê xurtkirina giringiya dadwerî û hesabxwestinê, destpêkirina dozên dadgehkirinê li ser asta Ewropî li dijî kesên ku binpêkirin dermafê gelê Sûriyê pêk anîne, û piştgiriya penaberan çi li Libnanê be yan ên jê reviyane be, yan jî penaberên sûrî li welatên cîran bin, û têkiliya bi aliyên pêwendîdar re ji bo baştirkirina rewşa wan û dabînkirina alîkariyên mirovî yên pêwîst da garantiya jiyaneke baş ji wan re peyda bikin, her weha karê Komîteya Girtiyan û xebatên wê yên di warê azadkirina wan de û naskirina çarenivîsa windayan û asta hevkariya di navbera wan û rêxistinên navneteweyî yên bi vî warî re têkildar in gotûbêj kirin.
Ev civîna asayî ya Desteya Danûstandinan hevdem bû ligel civîneke desteyê ligel nûnerên civaka sivîl a Sûriyê li Cinêvê, tê de gelek mijarên girêdayî pirsa Sûriyê gotûbêj kirin, bi taybetî dosyayên penaberan, jîngeha ewle û bêalî, perwerde, madeyên hişbir, dadpirsîn û hesabxwestin, sizdan, hilbijartinên Amerîkî, û avabûna zû.
Jêder: Ofîsa Ragihandinê ya Hevbendiya Niştimanî ya Sûrî
