Îro şemiyê danê sibê, civînên Desteya Danûstandinan ya Sûrî li bakurê Sûriyê li dar ketin, û pêkhatin ji Şamê û Qamişlo di riya odeyeke tilfizyonî a girtî re beşdar bûn.
Û di civînê de amadebûyan pêşketinên siyasî yên dawî ên girêdayî Sûriyê û karê komîteyên navxweyî û mîkanîzma karê wan û bihêzkirina rola wan gotûbêj kirin. Û amadebûyan giringî dan xurtkirina karê Komîteya Girtiyan û Komîteya Yasayî û Komîteya Destûrî û Komîteya Hilbijartinan.
Û Desteya Danûstandinan careka dî Bedir Camûs wek Serokê desteyê û Sefwan Ekaş wek sekretêr hilbijartin.
Û di şiroveyeke rojnamevanî de piştî civatê, Camûs got ku Deste perçekirina Sûriyê red dike û Sûriyeke yekgirtî dixwaze, û hêviya wê ew e ku tevaya pêkhatên welêt di pêşerojê de li cihekî li ser xaka Sûriyê bicivin, û got ku pirsgirêka Desteyê bi rijêmê û rawestandina piroseya siyasî ya ku ji salan de hatiye cemidandin re ye.
Û derbarê dosya girtiyên Sûrî, diyar kir ku erkê Desteyê ew e dosya wan li ser maseya Netewên Yekbûyî û civaka navdewletî bihêle, heyanî çareya siyasî li gorî biryara 2254 pêk were, û fişarên siyasî û gelêrî bên kirin, ji bo ku her malbateke Sûrî çarenivîsa lawên xwe yên di girtîgehan de bizanibin.
Jêder: Ofîsa Ragihandinê ya Hevbendiya Niştimanî ya Sûrî
