Desteya Danûstandinê ya Sûrî di heyama du rojên bûrî de, bi amadebûna Serokê Desteyê D. Bedir Camûs û Serokê Hevbeş yê Komîteya Destûrî ya Sûrî Hadî Elbehra, hejmarek ji civînan li dar xistin, û bi Nûnerê Taybet ê Neteweyên Yekbûyî bo Sûriyê Geir Pedersen û nûnerên Dewletên Amerîka, Brîtanya, Fransa û Almanyayê re civiyan.
Û di Hevdîtina bi Nûnerê Netewên Yekgirtî re, mîkanîzmayên pêwîst ji aliyê Netewên Yekgirtî ve ji bo dîtina çareseriyeke siyasî ya daxwazên gelê Sûriyê pêk bîne gengeşe bûn, û Camûs ji Pedersen xwest ku fişarên zêdetir li ser rijêmê bên sepandin, da wê neçar bikin ku biryarên navdewletî bicih bîne.
Û Cemûs ji Nûnerê Netewên Yekbûyî re got ku êdî gelê Sûriyê nema kare sebr û semaxê bikşîne û hêviya wî di çareseriyê de pir kêm bûye, û takebijardeya li pêşiya sûriyan maye ew e ku pêleke nû ya penaberiyê çêbibe, û cext kir ku berpirsê gihandina welat bo vê astê rijêm e, û çi çareseriya ku veguhastina siyasî û avakirina dewleta nû yaku hêviyên gelê Sûriyê û daxwazên wî pêk tîne tê de tune be, nikare were cîbicîkirin.
û rewşa mirovî ya xerab ya ku penaberên Sûrî yên li Libnanê bi taybetî û li hin dewletên din bi giştî têde dijîn û pêwîstiya livekê ji aliyê Neteweyên Yekbûyî ve, gotûbêj kirin.
Û Pedersen tekez kir ku ew cidî ye di kar de bi hemû rê û şiyanên berdest ji bo pêkanîna çareseriya siyasî û cîbicîkirina biryara navdewletî ya 2254, û ew ê li gel tevaya dewletên Karin proseya siyasî bi awayekî rasteqîn pêş bixin berdewam bin.
Û ji aliyê xwe ve Serokê Desteya Danûstandinê û Hevserokê Komîteya Destûrî bi nûnerên Dewletên Amerîka, Birîtanya, Fransa û Almaniyayê re, pêşketinên dosya Sûriyê û astengkirina rijêmê ji pêvajoya siyasî re û daxwaza wê ya dirêjkirina trajediya li Sûriyê gotûbêj kirin.
Û Cemûs tekez kir ku derengketina çareseriya siyasî dê bibe sedema encam û bandorên bobelatî li ser jiyana Sûriyan, ev yek jî tekez dike ku hebûna roleke kartêkertir ji aliyê civaka navdewletî ve pêwîst e, ji bo fişarê li rijêmê bikin û mekanîzmayeke kartêker ji bo cîbicîkirina biryarên navdewletî yê têkildar bibînin.
Û Cemûs û Elbehra hişyarî ji hiştina gelê Sûriyê di destê rijêmê de dan, û cext kirin ku gelê Sûriyê li seranserî welat û li dewletên penaberiyê derdeseriya têkçûna rewşa mirovî û ya aborî dikşîne, û divê hemû hewlên xwe bidin ji bo rizgarkirina gel û pêşkêşkirina cureyên piştevaniyê ji wan re, nemaze di warê perwerde û pêdiviyên bingehîn de.
û tekez kirin ku vegera Sûriyan bo Sûriyê girêdayî giheştina çareseriyeke siyasî ya rasteqîn e, ya ku paşeroja hemû Sûriyan garantî bike û daxwazên wan di azadî û dadperweriyê de pêk bîne, di rêya cîbicîkirina tam û bilez ji biryara 2254 re.
Jêder: Ofîsa Ragihandinê ya Hevbendiya Niştimanî ya Sûrî
