Şanda Desteya Danûstandinê ya Sûrî bi Serokatiya D. Bedir Camûs, li rex xebatên xola 78an a Komeleya Giştî ya Netewên Yekbûyî, li gel Rêvebirê Rêvebiriya Rojhilata Navîn û Bakurê Efrîkayê di Wezareta Derve ya Holendayê de Mark Khertsen li baregeha Şandeya Holendayê civiya.
Û Şanda Desteya Danûstandinê di hevdîtinê de, li ser pêwîstiya pêşdebirina pirosesa siyasî û dîtina mîkanîzmên kartêker û rabûna civaka navdewletî bi rola xwe ya rasteqîn di cîbicîkirina biryara 2254 bo bidawîanîna derdeseriyên gelê Sûriyê axivî, û Serokê Desteyê spasî arasteyî hikûmeta Holendayê li ser bizavên wê yên mezin di piştgiriya gelê Sûrî û doza wî de kirin.
Û Şanda Desteyê tekezî li ser pêwîstiya piştgiriya bizavên Netewên Yekbûyî ji bo gihiştina çareya siyasî li gorî biryara navdewletî 2254 û cîbicîkirina tam ya tevaya doseyan û destpêkirina piroseseke siyasî ya cidî ya ku daxwazên gelê Sûriyê û doza wî ya rewa pêk tîne, kir.
Ji aliyê xwe ve Mark Khertsen tekezî li ser piştgiriya dadpirsîn û sizadanê û bicîanîna dadweriyê li Sûriyê, û pabendbûna welatê wî bi helwesta Yekîtiya Ewropayê di piştgiriya gelê Sûrî de li ser asta siyasî û mirovî, kir.
Jêder: Ofîsa Ragihandinê ya Hevbendiya Niştimanî ya Sûrî
