Desteya danûstandinên Sûrî da zanîn ku avakirina komîteya destûrî di bin sîwana Netewên Yekbûyî de, dê bibe dergehek ji bo cîbicîkirina tevahiya naveroka biryara 2254 ya Netewên Yekbûyî, nemaze serbestberdana girtiyan, û avakirina desteyeke hikûmraniya veguhêz ku bikaribe jîngeheke ewle û bêalî ji bo Sûriyê berbi paşerojeke geş de bibe peyda bike.
Îro roja sêşemê, di daxuyaniyekê de, desteya danûstendinan spasiya hemû bizavên ji bo pêkanîna vê pêngavê kir, û daxwaz ji hemû endamên komîteyê kir ku “berjewendiya Sûriyê ya herî bilind û vegera wê bo jiyaneke azad û bi rûmet bêxin armanca xwe ya sereke ya ji her tiştî bêtir”.
Komîteyê tekez kir ku ew agahdar e ji astengîyên ji hêla rejima Esed tên danîn, ji bo astengkirina karê komîteyê, û got ku “ew dizane ku rê pir zehmet e , lê her kar hêsan e li pêşber cangoriyên xelkê Sûriyê yên bêhempa”.
Û sekreterê giştî yê Netewên Yekbûyî Antonio Guterres, duh, avakirina Komîteya Destûrê ragihand, û ji rojnamevanan re aşkera kir ku NY dê karê komîteyê ya ku dê di hefteyên pêş de li Cenêvê bicive hêsan bike.
Û bal kişand ku nûnerê wî yê taybet bo Sûrîyê, Geir Pederson, rêkeftin li gorî biryara Konseya Ewlehî ya NY ya 2254 ya sala 2015 birêve bir, û tekezî li ser giringiya rawestandina êrîşan ya yekser li dijî armancên sîvîl kir, û bang li welatên endamên Encûmena Ewlekariya û Netewên Yekbûyî kir, ku piştgiriyê bidin bizavên ji bo agirbestê.
Jêder: Ofîsa Ragihandina Hevbendiya Niştimanî Sûrî
