Desteya giştî ya Hevbendiya Niştimanî Ya Hêzên Şoreş Û Rikberiya Sûriyê, doctor Cewad Ebû Heteb ji bo çêkirina Hikûmeta Sûriyê ya Demeikî erkdar kir, ji bo ku kar li Deverên Azad bike û giraniyê bide pêşkêşkirina xizmetguzariyan ji xelkên wan deveran re.
Û desteya giştî ya hevbendiyê, civînek awarte li dar xist, di rojeva karê wê civatê de mijara berfirehkirina beşdariya jinan û temamkirina rêşûnên erkdarkirina serokê Hikûmeta Sûriyê ya Demikî hatin gengeşekirin, û li program û pilanên-kar ên berbijêran hat guhdarkirin, û di riya Enternetê re li pirojeyê Ebû Heteb hat guhdarîkirin.
Û piraniya dengên Desteya Giştî(54 ji 71 kesên di dengdanê de beşdar bûn) çûbûn ji Ebû Heteb re.
Ebû Heteb jidayikbûyê sala 1962 li parêzgeha Gundewarê Şamê- herêma Eşrefiyet Elwadî ye, û berî bê erkdarkirin bi serokatiya Hikûmetê, Emîdê kolîja Bijîşkiya Mirovan bû, li Zanîngeha Helebê ya ku li deverên rizgarkirî kar dike.
Ebû Heteb derçûyê kolîja bijîşkiya mirovan ji zanîngeha şamê ye sala 1988, paşre bû taybetmendê Neştergeriya Giştî sala1998, û taybetmendiya Neştergeriya Dil di sala 2001 wergirt, paş re berê xwe da Îtaliya ji bo xwendina taybetmendiya niştegeriya Dilê Zarokan sala 2003.
Û berê Ebû Heteb wek Niştegerê Dil Yê Şêwirdariyê li nexweşxaneya Neştegeriya Dil ya bi ser Zanîngeha Şamê ve kar kiribû, û endam bû di meclisa rêvebiriya Nexweşxaneya Neştegeriya Dil Ya Zankoyî de, û rêveberê Peymangeha Teqeniya Bijîşkî li Zannîngeha Helebê bû.
Tê zanîn ku hejmara berbijêran ji bo pileya serokê hikûmetê 6 bûn, yekî ji wan xwe vekişand, û berbijêrên din jî ev bûn: : Cewad Ebû Heteb, Mihemed Welîd Samir, Mihemef Nûreldîn Himêdî, Mihemed yasîn Necar, û E’wed Ele’lî.
Jêder: Hevbendî