Desteya Jinê ya Sûrî bi hevkariya Yekîneya Piştgiriya Aramiyê, bi dirêjiya her du rojên duşem û sêşemê yên bûrî, civînek girîng li dar xist, têde Cîgira Serokê Hevbendiya Niştimanî ya Sûrî Dîma Mûsa û endama Desteya Siyasî Besme Mihemed wek Hevrêzkara Desteya Jinê ya Sûrî û endamên Desteyê li Tirkiyê û deverên rizgarkirî beşdar bûn.
Û di civînê de kar li ser pêşxistina rêvebirina Desteyê weke kombendeka jinên Sûrî ya bi ser Hevbendiya Niştimanî ya Sûrî ve hate kirin, û ku Deste kar li ser xurtkirina rola jina Sûrî di karûbarên giştî de û zêdekirina hejmara jinên çalak di karê siyasî û navendên çêkirina biryarê de dike.
Û Cîgira Serokê Hevbendiya Niştimanî Dîma Mûsa di destpêka civînê de şiroveyek li ser dawîtirîn pêşhatên siyasî pêşkêş kir, û li ser giringiya karê Desteya jinê ya Sûrî axivî, ya ku Hevbendiya Niştimanî bi rêya wê hewl dide ku dîtina xwe di giheştina Sûriyeke demokrasî û piralî de, ya li ser bingeha prensîbên serweriya yasayê, azadî û hevwelatîbûna wekhev temam bike, û tekez kir ku ev yek dê tenê bi beşdariya kartêker û rasteqîn a jinên Sûrî di navendên biryardanê û saziyên dewletê de pêk were.
Û Endama Desteya Siyasî û Hevrêzkara Desteya Jinê Besme Mihemed li ser giringiya rêxweşkirina şert û mercên guncav ji bo avakirina saziyeke niştimanî ya ku têde jinên Sûrî yên kartêker û xwedî şiyan karibin bandorê di karûbarê giştî û siyasî de bikin axivî, û daxwaza hevkarî û xebatê ji bo ku Desteya Siyasî saziya niştimanî a jinên Sûrî be kir, ya ku dê di rêya wê re rola jinê ya giring di dema niha û di pêşerojê de bê çespandin.
Û di civînê de komxebatek hate lidarxistin, têde beşdaran bingehên rêxistinkirina xebatên Desteya Jinê danîn, her wiha pêşxistina pirojeya wê weke saziyeke kartêker di nav torên Hevbendiya Niştimanî û saziyên wê de.
Û Civatê reşnivîsek destpêkî ji rêziknameya navxwe ya Desteya Jinê ya Sûrî û pergalê wê re danî, da ku xizmeta pêşxistina mîkanîzma karê wê bike, û berve beşdarbûneke mezintir ya jinan di karê siyasî de di rêya Hevbendiya Niştimanî re bike, û ramaneke destpêkî bo karê Desteyê di qonaxa dahatî de di hundir torên Hevbendiyê de hate danîn, da ku piştgiriya zêdekirina beşdariya jinên Sûrî di hemû aliyên karê Hevbendiyê û saziyên wê de bike.
Jêder: Ofîsa Ragihandinê ya Hevbendiya Niştimanî ya Sûrî
