Desteya Siyasî ya Hevbendiyê, civata xwe ya rolane duh duşemê di bin durişma “Yek Dest” de lidar xist, û Serokê Hevbendiya Niştimanî Salim Elmislit civat vekir, û têde tekezî li ser pabendiya Hevbendiya Niştimanî bi pirensîpên şoreşê û berdewamiya şopandina karê ku di xolên berê de pêk hatiye û avakirina li ser kir.
Û amadebûyan giringî dan binpêkirinên metirsîdar ên dubare dermafê rêkeftinên agirbestê li deverên kêmkirina şer ji aliyê rijêmê û piştgirên wê ve, û li rapora Komîteya Girêdanên Leşkerî derbarê rewşa meydanî guhdarî kirin, her weha li bersiva yekîneyên Artêşa Niştimanî li ser dijminkariyan û tekeziya wan yekîneyan ku dê bi erkê bergiriya di ber nişteciyên sivîl de dijî dijminkariyên li ser deverên rizgarkirî bi hemû rêyên pêkan rabin.
Ji aliyekî din ve, Komîteyê dijminkariyên dubare ji hêla rêxistina PKK ya terrorist û milîsên PYD ve li ser taxên sivîlan li gundewarê bakurê Helebê û şandina erebeyên mayînkirî û kesên terrorist bi şêweyekî rojane daku tirsê têxin dilê sivîlan li Efrîn û Bab û Ezaz û Mariê û tevaya gund û bajarokên bakurê rizgarkirî, berçav kir.
Û Komîteyê pêşhatên dorpêçkirina ku rijêm li ser Deraa Elbeled ji zêdetir ji heyvekê ve disepîne û mercên Rûsî bo xweradestkirina xelkê Deraa û vegera siyaseta koçberkirina kotekî yaku rijêm û piştgirên wê li deverên kêmkirina şer bikar tînin û binpêkirina her rêkeftinên lihevhatinê yên ku berê hatine îmzekirin berçav kir.
Û Desteya Siyasî cextî li ser erkê Netewên Yekbûyî di cîbicîkirina pirensîpa berpisyariyê di ber parastina nişteciyên sivîl de kir, û pêwîstiya ku yadname û nameyên bo Komeleya Giştî ya Netewên Yekbûyî û Encûmenê Ewlekariyê û hejmarek mezin ji dewletan re hatine şandin bo şermezarkirina rijêmê û sizakirina wê li ser tawanên berdewam ên ku ji bêhtir ji deh salan de pêk tên werin şopandin.
Û Desteya Siyasî raporên karê komîte û rêvebiriyên Hevbendiyê û pilanên qonaxa dahatî berçav kirin, û tekezî li ser guhertin û çaksaziyên pêwîst li ser lîsteya cîbicîkirinê a ku karê Hevbendiyê û saziyên wê yên cîbicîkar û xizmetkar rêkûpêk dike kir, daku di çakkirina rewşa debara jiyanê ya dijwar de yaku gelê Sûrî li deverên rizgarkirî derdeseriya wê dikşîne alîkar be, ku rijêm bûye sedema rûdana hemû derdeseriyan û rûxandin û xirabiya rewşê li seranserî welêt.
Jêder: Ofîsa Ragihandinê ya Hevbendiya Niştimanî ya Sûrî
