Desteya Siyasî ya Hevbendiya Niştimanî ya Sûrî, civata xwe ya rolane bi Serokatiya Serokê Hevbendiya Niştimanî, Salim Elmislit lidar xist, û behsa pêşhatên rewşa meydanî û siyasî li Sûriyê kir.
Û Desteya Siyasî rewşa meydanî û siyasî li Deraa gengeşe kir, û encamên pêwendiyên li gel Komteya Navendî û pêşhatên li ser asta danûstandinê û serhişkiya rijêma tawanbar û hewldanên wê ku çi lihevhatin biser nekevin daku di tawan û koçberkirinê de berdewam be, wek cîbicîkirina pirojeya Îranê li başûrê Sûriyê gengeşe kirin, û Desteya Siyasî daxwaza hevkariyeke erebî û herêmî bo rûbirûbûna metirsiya hebûna Îranê li deverê kir.
Û Serokê Hevbendiya Niştimanî encamên hevdîtina xwe li gel Şandê Wezareta Derve ya Emrîka berçav kirin, û li ser curbecur dozên ku di hevdîtinê de hatine pêşkêşkirin axivî, û tekezî li ser pêwîstiya berdewamiya civatên wiha bo gihiştina nerînin heveş li gel Waşinton kir, ji bo piştgiriya veguhestina siyasî li Sûriyê û tawanbarên cengê siza bibin û di pêşî de Serokê rijêma tawanbar.
Û Elmislit li ser hevdîtina xwe li gel Şêwirdarê Serokatiya Komara Tirkiyê û Cîgirê Serokê Encumena Ewlekariya Netewî Îbrajîm Kalin û hevdîtina din ya bi Cîgirê Serokê Partiya Dad û Geşepêdanê re yên ku têde diyalog li ser rola Tirkiyê ya giring di rûbirûbûna gurkirina li ser bakurê Sûriyê axivî, ji ber ku ji dewletên rêkeftina kêmkirina şer e, û ji dewletên rêkeftin îmze kirine ye, û rêya rûbirûbûna tawanên rojane yên ku rijêma tawanbar û sponserên wê pêk tînin bibîne.
Û li ser rewşa Sûriyên li Tirkiyê hate axaftin, û herdû aliyan tekezî li ser giringiya çalakkirina karê Komîteya Sûrî-Tirkî ya Hevbeş li gel Wezareta Navxwe kirin, her weha giringiya ku piştgiriya siyasî û cîbicîkar bo Hikûmeta Sûrî ya Demkî di hundir deverên rizgarkirî de pêk were.
Û herdû aliyan cextî li ser giringiya rola Revendên Sûrî li hemû Îyaletên Tirkiyê kir, û tekezî li ser pêwîstiya çalakkirina mîkanîzmên karê rengereng bo pênasîna sûriyan û sedemên koçberkirina wan û doza wan ya rewa bo pêkanîna azadî û rûmet û demoqrasiyê kirin.
Û Serokê Hevbeş yê Komîteya Destûrî ya Sûrî, Hadî Elbehra, di civata Desteya Siyasî de şiroveyek li ser civatên wî yên dawîn li gel Nûnerê Neavdewletî Ger Pederson û hejmarek ji dewletên dost û bira pêşkêş kir, û têde li ser pêşketinên karê Komîteyê û bandora tiştê li Deraa û Cebel Elzawiyê li gundewarê Idlibê li ser karê Komîteyê dibe axivî.
Û Elbehra di şiroveya xwe de tekez kir ku rijêm hîn siyaseta koçberkirina kotekî çi li Deraa be an li gundewarê Idlibê be dişopîne, û tevgereke yekser ji civaka navdewletî xwest ji bo ku dorpêçkirinê li Deraa hilîne û armanckirina sivîlan yaku bi awayekî rojane li Deraa û li parêzgeha Idlibê pêk tê raweste.
Jêder: Ofîsa Ragihandinê ya Hevbendiya Niştimanî ya Sûrî