Desteya Siyasî ya Hevbendiya Niştimanî ya Sûrî, roja pêncşemê, civîna xwe ya rolane lidar xist, û têde dawîtirîn pêşhatên meydanî û siyasî gengeşe kirin, û li ser raporên komîte û ofîsan û rêvebiriyan rawestiyan.
Û serokê Hevbendiya Niştimanî, D. Nesir Elherîrî, encamên civînên ku Hevbendiya Niştimanî bi nûnerên herdemî û endamên Encumena Ewlekariyê û serokên şandên diblomasî yên li rex Netewên Yekbûyî li New Yourkê, yên li kêleka civînên Komelgeha Giştî ya Netewên yekbûyî di gera wê ya 75emîn de berçav kirin.
Û tekez kir ku civîn erênî û avakar bûn, tê de rewşa sûriyan û pirosesa siyasî hat ronîkirin, û daxwaza komkirina dostan ji bo piştgiriya kêşa gelê Sûriyê ji bo bidestxistina azadî û rûmet û demoqrasiyê kirin.
Herweha cîgirê serok Uqab Yihya, behsa karê Komîteya Cezîrê û Ferat û karê dibe ji bo bestina kongirekî giştî bo devera rojhilat bi herçar parêzgehên xwe ve Dêrazorê û Reqa û Hesekê kir, ji bo berhevkirina desteyekê ku nûnertiya xelkên devera rojhilat bike, û bibe nûnera daxwazên wan.
Û amaje bi encamên karên komîteya başûr di eşkerekirina hewildanên rijêmê yên gurkirina nakokiyan di nav xelkên devera başûr de kir, û tekez kir ku rewş baş birêve diçe, û lebateke cedî heye ji bo rewşê vegerîne wek berê.
Û cîgira serok, Ruba Hebûş, karên ofîsa jinê û ya xortan li gundewarê helebê berçav kir, û tekezî li ser giringiya karê wan ê li deverên rizgarkirî dikin kir.
Û ofîsa karûbarê penaberan, şiroveyek derbarê dawîtirîn pêşhatên penaberan li Yonanistan û Libnan û Somalê kir, û got ku penaberên sûrî li Yonanistanê tûşî dijminkariyên nijadperestî dibin, û metirsî li ser jiyana girtiyên sûrî li Libnanê heye, ji ber belavbûna vîrosa korona di zindanên Libnanê de.
Jêder: Ofîsa Ragihandinê ya Hevbendiya Niştimanî ya Sûrî
