Desteya Siyasî ya Hevbendiya Niştimanî ya Sûrî, civîna xwe ya rolane li dar xist, têde gurkirina leşkerî ya rijêma Esed û Rusya li ser deverên sivîlan li herdû gundewarên Heleb û Idlibê ya ku bûye sedema ketina hejmarek ji qurbaniyan, her weha dawîtirîn pêşhatên siyasî gotûbêj kirin.
Û amadebûyan tekez kirin ku armanca rijêma Esed ji gurkirina leşkerî, rêgirtina li pêşiya çi liveke siyasî ye, û ev yek ji tevaya dewletan re zelal û eşkere bûye, û cextî li ser pêwîstiya ku tevgereke navdewletî ya jidil hebe bo rawestandina vê gurkirinê û kartêkerkirina rêya piroseya siyasî bo cîbicîkirina biryarên navdewletî û di pêşî de daxwiyaniya Cinêvê û herdû biryarên 2118 û 2254, kirin.
Û amadebûyan daxwaza kar li ser vekirina lêkolînekê derbarê bûyera keştiya penaberan ya ku di 14ê Hezîranê de li beravên Yunanistanê binav bûye û bidehan Sûrî têde bûn kiririn.
Û amadebûyan, tevgerên Ewropa û Amerîkayê ji bo dadgehkirina Beşar Esed û rijêma wî li ser tawanên cengê yên ku di 12 salên bûrî de li dijî gelê Sûriyê pêk anîne, gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî
