Desteya Siyasî ya Hevbendiya Niştimanî ya Sûrî bi dirêjiya herdû rojên çarşem û pêncşemê civîna xwe ya rolane bi amadebûna Serokê Hevbendiya Niştimanî Salim Elmislit li dar xist, û pêşhatên rewşa meydanî û siyasî gengeşe kirin, û li raportên ofîs û rêvebirî û komîteyan guhdarî kir.
Û Serokê Hevbendiya Niştimanî encamên hevdîtina xwe bi Balyozê Fransî li Tirkiyê re û gotûbêjên ku li ser piroseya siyasî hatine kirin û rola ku ji Fransa û Yekîtiya Ewropa tê xwestin bo pêşvebirina piroseya siyasî berçav kirin, û Balyozê Fransa redkirina welatê xwe ji her proseyeke asayîkirina têkliyan bi rijêma Esed re, an beşdariya wê di piroseya nûavakirinê de berî çareseriya siyasî tekez kir, her weha hilanîna sizayan ji ser rijêma Esed red kir.
Û Hevrêzkarê Ofîsa Revendan Mihemed Yehya Mektebî, li ser komxebata ku li Cinêvê beşdarî têde kiriye yaku ji aliyê Komela Rûmeta Hevwelatî û Komeleya Parêzerên Sûrî yên Azad û Enstîtuya Ewropî ya Aştiyê ve bi sernavê “Nexşeya rê ji bo jîngeheke ewle bo vegera penaberan ” li dar ketiye, axivî.
Û Endamê Desteya Siyasî Ehmed Tu’ime şiroveyek li ser encamên civînên ku di gera dawî ya civînên Asîtanayê hatin lidarxistin de pêşkêş kir.
Û Komîteya Girêdanên Leşkerî raporta xwe ya meydanî derbarê operasyona asîmanî ya artêşa Tirkiyê li dijî milîsên PYDe yên terorîst û amadebûna Artêşa Niştimanî ya Sûriyê ji bo beşdarbûna di her operasyoneke serbazî ya dahatî de bo rizgarkirina xakê ji wan milîsan pêşkêş kir.
Û Amadebûyan raporên karê Ofîsa Hevbendiya Niştimanî li gundewarê Helebê, û yên Ofîsa Sendîkayan ên li ser beşdariya di duyemîn kongirê giştî yê Yekîtiya Xwendevanên Sûrî yên azad de, û li raporta ofîsa Karûbarên Penaberan, her weha li kurte şiroveyeke rêvebiriya Têkiliyên Derve ya derbarê çalakî û xebatên wê guhdarî kirin.
Jêder: Ofîsa Ragihandinê ya Hevbendiya Niştimanî ya Sûrî