Desteya Siyasî ya Hevbendiya Niştimanî ya Sûrî, civata xwe ya rolane bi serokatiya Serokê Hevbendiyê D. Nesir Elherîrî lidar xist, û dawîtirîn pêşhatên meydanî û siyasî gengeşe kirin, û hin ofîs û komîte û rêvebiriyan raporên kar û çalakiyên xwe yên dema bûrî pêşkêş kirin.
Û Serokê Hevbendiya Niştimanî behsa encamên civîn û hevdîtinên navdewletî yên ku di dema bûrî de pê rabûne, yên ku girîngî dene pêşdebirina pirosesa siyasî û nûkirina biryara navdewletî ya taybet bi derbaskirina alîkariyên mirovahî bo Sûriyê di riya bêhtir ji dergehekî sînorî re kir.
Û Elherîrî li ser serdana ku Hevbendiya Niştimanî bo devera rojhilatê Ferat pê rabûye û hevdîtinên ku li herdu bajarên Girê Sipî û Serê Kaniyê li rojhilatê Ferat li gel berpisyar û rayedarên ji Encûmenên Xwecihî û polîsên leşkerî û sivîl û hejmarek ji saziyên xizmetkarî yên dîtir re li dar xistine axivî, her weha serdana Kilîseya Mar Toma Elresol û bal kişand ser ku wan ji nêz de nimûneyên rêvebirina hikûmî û leşkerî yên baş dîtin.
Û got ku serdanên meydanî bo deverên rizgarkirî derfet da Hevbendiya Niştimanî ku ketwarê ji nêz de bibîne û erênî û nerêniyan bişopîne, û cextî li ser pêwîstiya ku li ser tevaya têbîniyan û vegerandina mafan bo xwediyên wan rawestin kir.
Û Desteya Siyasî behsa mîkanîzmên ku ji nû de li sîstema yasayan binêrin di riya vekolîna teşrîatên dewleta sûriyê re û hilanîna tiştên girêdayî bi siyasetên stemkariyê kir, û wê pêşde bidin, daku dadwerî û hêviyên gelê sûrî pêk werin
Û amadebûyan gengeşeya beşên destûrî temam kirin, û du kaxez li ser desthilata cîbicîkar û desthilata yasayî berçav kirin, ew jî di çarçoveya gihiştina nerîneke destûrî tekûz a piştgiriya Desteya Danûstandinê di karên Komîteya Destûrî ya sûrî de dike.
Û Hevrêzkarê Ofîsa Karûbarê Penaberan Ednan Rehmon, xwendinek li ser mafên koçberên li hundir sûriyê pêşkêş kir, û gengaziya ku ew di hilbijartinên Encûmenên Xwecihî de beşdariyê bikin, û piştî gengeşekirina wê lêkolînê Desteya Siyasî temîniya lidarxistina workşopên hevbeş bo guhartina yasayên pêwîst kir.
Û amadebûyan encamên civîn û hevdîtinên li gel Encûmena Niştimanî ya Kurd û xiştekara serdan û çalakiyên li deverên rizgarkirî berçav kirin.
Û Desteya Siyasî biryarek bi nûavakirina desteya navendî bo çavdêrî û kontirolkirinê derxist, û endaman piştî gera ku Hevbendiyê bo deverên bakur û rojhilatê sûriyê pê rabûye biryar dan ku Hikûmeta Sûrî ya Demkî bi karê lêkolînekê derbarê avakirina wezareta çandiniyê û samanên ajalan rabe.
Û Endamên Desteya Siyasî û ya Serokatiyê, behsa karê komîteya vegerandina mafan kirin, û tekezî li ser pêwîstiya berfirehkirina rûbera karê wê kirin, daku bighê tevaya deverên rizgarkirî li bakur û rojhilatê ferêt.
Jêder: Ofîsa Ragihandinê ya Hevbendiya Niştimanî ya Sûrî
