Desteya Siyasî ya Hevbendiya Niştimanî ya Sûrî, herdû rojên duşem û sêşemê, civîneke awarte ya berfireh li dar xist, têde Serokê Hevbendiya Niştimanî Salim Elmislit û Cîgirê Serok Ebdilehed Istêfo şirove li ser serdana Emrîka, ya ku hevdem bû li gel lidarketina civatên Komeleya Giştî ya Netewên Yekbûtî ya xola 77an, pêşkêş kirin.
Di wê serdanê de Şandê Hevbeş di navbera Hevbendiya Niştimanî û Desteya Danûstandinê ya Sûrî û Hikûmeta Demkî ya Sûrî de, hevdîtin li gel şandeyên diplomatîk ên dewletên xwedî-bandor di Encumena Ewlekariyê de her weha hejmarek ji hevdîtinan li gel Rêvebiriya Emrîka li dar xistin.
Û Elmislit diyar kir ku Şandê Hevbeş di hevdîtinên li New Yorkê yên ku zêdetir ji 27 hevdîtinan bûn de, giringî da pêwîstiya kartêkerkirina pirosesa siyasî û vekirina tevaya rêyên ku di biryara 2254an de hatine, daku daxwazên gelê Sûriyê di azadî û rûmet û demoqrasiyê de pêk werin.
Û bal kişand ser ku şandê hevbeş ji tevaya dewletên Dostên Gelê Sûriyê daxwaza lidarketina civînekê derveyî Encumena Ewlekariyê kir, û ji wan xwest ku kar li ser cîbicîkirina biryarên navdewletî yên girêdayî karûbarê Sûriyê bo pêkanîna veguhestina siyasî ya tam li welêt bibe.
Û Elmislit helwestên dewletên ku bi şandên wan re civiyane ji prosesa siyasî berçav kirin, û tekezî li ser neguherîna helwestên wan ên redkirina normalkirina têkliyan li gel rijêma Esed an destûrdana nûavakirina wê, her weha ji derketina derveyî tiştê ku di biryara navdewletî ya çareseriyê li Sûriyê de hatiye, kir.
Û di civînê de hevdîtinên Hevbendiyê yên dîtir li gel rêveberiya Emrîka yên ku têde giringî dane pirosesa siyasî û xurtkirina sizayan li ser rijêma Esed û kesayet û aliyên ku pêre alîkariyê dikin daku ji sizayan bireve berçav bûn, û mijarên tawanbariya rijêma Esed di dosya bazirganiya keresteyên hişbir de daku xwe û amûra xwe ya leşkerî fînanse bike û bandora wê ya herêmî û navdewletî gotûbêj bûn.
Û Cîgirê Serok Ebdilehed Istêfo li ser dozên sereke yên dîtir ên ku Şandê li wir pêşkêş kirine û di pêşî de dozên girtiyan û pirsgirêkên penaberan her weha hişyarîdana ji pirojeyên vejînbûna zû, û metirsiya ku ew proje bibin projeyên nûavakirinê berî ku pirosesa siyasî temam bibe axivî.
Û bal kişand ser ku şandê Hevbendiyê tawan û binpêkirinên ku rijêm û hevalbendên wê û milîsên terorîst dermafê sûriyan pêk tînin berçav kirin.
Jêder: Ofîsa Ragihandinê ya Hevbendiya Niştimanî ya Sûrî
