Desteya Siyasî ya Hevbendiya Niştimanî ya Sûrî, civatek awarte bi amadebûna Serokê Hevbendiyê Salim Elmislit û Serokê Hikûmeta Sûrî ya Demkî Ebdilrihman Mustefa û Endamên Desteya Siyasî û ya Giştî lidar xist, û di civatê de li ser gurkirina metirsîdar û bombebarana ku deverên gundewarê Idlibê û yê rojavayê Helebê armanc dikin axivîn.
Û rijêma tawanbar û hevalbendê wê yê Rûsî, di kêmtir ji 24 katijmêran de, komelkujiyek pêk anîn, û gund û bajarokên Sirce, Îhsim, Darit Ize û Kefer Noran bi bombebarneke hovane armanc kirin, û êrîşên hovane bûn sedema şehîdbûn û birîndarbûna bidehan, bêhtirê wan jin û zarok bûn.
Û bombebaranê bi awayekî bi mebest tîmên Berevaniya Sivîl yên ku li ser rizgarkirina qurbaniyên di bin cihên rûxandî de dixebitîn armanc kirin, û ji encama êrîşan hejmarek ji wan şehîd ketin û hinek birîndar bûn, ev jî wek Tawana dijî mirovahiyê ye, û li tawanên qirkirinê yên ku rijêm dermafê sivîlan pêk tîne zêde dibe.
Û Desteya Siyasî bombebarana rêbazkirî ya ku armanc jê koçberkirina kotekî ye, yaku dê bibe sedema pêlin nû ji derbiderî û penaberbûnê, û derdeseriyên mirovahî yên sivîlan di dema rewşa dijwar yaku têde dijîn de zêde dike, ji encama cenga ku rijêm û hevalbendên wê yên Rûsî û Îranî ji bêhtir ji deh salan de pêk tîne, şermezar kir.
Û Desteya Siyasî, daxwaza cîbicîkirina pirensîpa berpisyariya di ber parastina nişteciyan ji qirkirina komî û tawanên cengê û jînosaydê û tawanên dijî mirovan pêk tên ji Netewên Yekbûyî kir, tevlî cîbicîkirina beşê heftemîn ji peymanê li gor biryara encûmena giştî 1/60 ya dîroka 16 îlona 2005an.
Jêder: Ofîsa Ragihandinê ya Hevbendiya Niştimanî ya Sûrî
