Desteya Siyasî ya Hevbendiya Niştimanî ya Sûrî, rojên çarşem û pêncşemê civîna xwe ya rolane li dar xist, tê de bal kişand ser rewşa penaberên Sûrî li Libnanê û şiroveya Şanderê Netewên Yekgirtî bo Sûriyê Geir Pedersen ya li pêş Encûmena Ewlekariyê, her weha bidawîkirina avakirina rêvebirî, nivîsgeh û komîteyên Hevbendiya Niştimanî.
Û Desteya Siyasî tekez kir ku rijdiya desthilatên Libnanê li ser dersînorkirina bi darê zorê ya penaberên Sûrî û şandina wan bo deverên rijêmê, dihêle ku ew temamiya berpidyariya saxlemiya wan penaberan hilgire, û cext kir ku bêdengiya civaka navdewletî li hember vê pêngava ku biryarên Netewên Yekbûyî yên der barê Sûriyê paşguh kirine nayê pejrandin, û jê tê xwestin ku bi awayekî eşkere şermezar bike, û karekî cidî bo rawestandina van operasyonan bike.
Û Endamê Desteya Siyasî Farûq Teyfûr, tekezî li ser giringiya şopandina çarenivîsa awareyan ji aliyê Netewên Yekgirtî ve ji bo dabînkirina ewlehiya wan kir, û Sekretêrê Desteya Siyasî Ebdulmejîd Berekat tekez kir ku şert û mercên vegera bi dilxwazî û ewle ya penaberan bi hebûna rijêma Esed ya tawankar li Şamê peyda nebûne, û ev binpêkirineke eşkere ye ji yasa û pîvanên navdewletî re.
Û amadebûyan şiroveya dawî ya Nûnerê Netewên Yekbûyî Geir Pedersen berçav kir, û Ofîsa Şêwirdariyên Stratejîk xwendinek li ser wê rewşê pêşkêş kir, û Desteya Siyasî tekez kir ku nûnerê Netewên Yekbûyî di dûrketina ji bingeha karê xwe yê pêkanîna proseya veguhestina siyasî li gorî biryarên navdewletî derbarê Sûriyê de berdewam e, û ku ew niha bi sivkatî û bêcidîbûn dan û standinê bi dozên mirovî re dike, û di pêşî de dosya girtiyan û binçavkiriyên kotekî di zîndanê Esed e.
Û Desteyê pergala rêvebirî û nivîsgeh û komîteyên Hevbendiya Niştimanî temam kirin û hin serrast kirina, û biryarek der barê avakirin û serratkirina hin komîteyan derxist, bi mercê ku komîteyên mayî piştre bên temamkirin.
Û Cîgira Serok Ruba Hebûş şiroveyek derbarê amadekariyên ku ji aliyê Desteya Jinê ya Sûrî ve tên kirin ji bo lidarxistina du komxebatên bo jinan li herdû bajarên Gazî Entab û Stanbolê pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
